Za nievykanańnie — štraf. Što pavinny viedać ludzi, što kuplajuć žyllo ŭ histaryčnaj častcy Minska
Nieruchomaść u histaryčnaj častcy Minska nie tolki prestyžnaja, ale i nakładvaje peŭnyja abaviazki na ŭłaśnikaŭ, «Minsk-Navinam» raskazała načalnik adździeła mastactvaŭ upraŭleńnia kultury Miharvykankama Natalla Viarenič.
Dla kožnaj materyjalnaj historyka-kulturnaj kaštoŭnaści ŭ krainie Ministerstva kultury ŭstanaŭlivaje šerah abmiežavańniaŭ: umovy ŭtrymańnia i vykarystańnia, paradak vykanańnia ramontnych rabot, vidy dziejnaści ich ułaśnikaŭ abo arendataraŭ, a taksama patrabavańni pa zabieśpiačeńni zachavanaści takich abjektaŭ. Usie hetyja źviestki fiksujucca ŭ achoŭnym abaviazacielstvie.
— Taki dakumient pavinien być aformleny i padpisany novym ułaśnikam pry kupli nieruchomaści, atrymańni jaje ŭ spadčynu abo ŭ padarunak, pry pryvatyzacyi, a taksama pry inšych ździełkach. Kali novy ŭłaśnik stanovicca ŭładalnikam pamiaškańnia ŭ budynku, jaki źjaŭlajecca historyka-kulturnaj kaštoŭnaściu, jon abaviazany ŭ praciahu miesiaca aformić achoŭnaje abaviazacielstva. Nievykanańnie hetaj umovy moža pryvieści da administracyjnaj adkaznaści i ŭ dalejšym da pryznańnia ździełki niesapraŭdnaj, — rastłumačyła N. Viarenič.
Za afarmleńniem dakumienta minčanie časta pamyłkova źviartajucca ŭ ŽKH abo administracyi rajonaŭ. Adnak zrabić jaho možna tolki va ŭpraŭleńni kultury Minharvykankama pa adrasie: vuł. Rakaŭskaja, 17. Hramadzianaŭ pa pytańniach afarmleńnia achoŭnych abaviazacielstvaŭ prymajuć u paniadziełak z 14:00 da 18:00, u čaćvier — z 9:00 da 13:00.
Dla afarmleńnia achoŭnaha abaviazacielstva fizičnaj asobie nieabchodna pakazać hramadzianski pašpart i dakumient, jaki paćviardžaje prava ŭłasnaści na žyłoje abo niežyłaje pamiaškańnie, budynak ci inšaje, jurydyčnaj asobie — statut i dakumient, jaki paćviardžaje prava ŭłasnaści.
Pry pierachodzie prava ŭłasnaści na historyka-kulturnuju kaštoŭnaść da inšaha ŭładalnika jon, u svaju čarhu, taksama abaviazany ŭ praciahu 30 dzion padpisać achoŭnaje abaviazacielstva, dadała načalnik adździeła.
-
U domie pad znos pradajuć adnapakajoŭku amal za $60 000. Heta samaja tannaja kvatera Minska
-
Pabiŭšy rekord, ceny na kvatery ŭ Minsku pačali prasiadać. Kolki ciapier u siarednim prosiać za mietr?
-
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR4
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary