Zialenski: «Ja publična zaprašaju Pucina ŭ Kijeŭ, kali jon advažycca». I kateharyčna vyklučyŭ sustreču ŭ Biełarusi
Prezident Ukrainy prakamientavaŭ zaprašeńnie rasijskim bokam na pieramovy ŭ Maskvu.
«Viadoma, dla mianie niemahčyma sustrecca z Pucinym u Maskvie. Heta było b toje samaje, što sustrecca z Pucinym u Kijevie», — skazaŭ Zialenski.
«Ja publična zaprašaju Pucina ŭ Kijeŭ, kali jon, viadoma, advažycca, — dadaŭ prezident Ukrainy. — Ja hatovy da luboha farmatu samitu lidaraŭ, ale nie ŭ Maskvie ci Biełarusi»
Jon dadaŭ, što pieramovy ŭ Abu-Dabi taksama mohuć być pieraniesienyja z-za napružanaści vakoł Irana: «Niešta adbyvajecca ŭ situacyi pamiž Amierykaj i Iranam. I hetyja rečy, imavierna, mohuć paŭpłyvać na datu».
Zialenski skazaŭ, što, kali Rasija spynić udary pa enierhietyčnaj infrastruktury Ukrainy, Ukraina nie budzie nanosić udary pa enierhietycy Rasii.
Akramia taho, pavodle słoŭ Zialenskaha, Ukraina budzie hatovaja da ŭstupleńnia ŭ Jeŭrapiejski sajuz u 2027 hodzie: «Nas cikavić fast-trek. Budzie hibrydnaja vajna suprać ustupleńnia Ukrainy ŭ Jeŭrapiejski sajuz. Tamu ja chaču zrabić usio, kab atrymać datu».
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR3
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary
Niaŭžo choča padziakavać Pucinu asabista, što toj pajšoŭ na enierhietyčnaje "pieramirje"?
Rudy Dońni zmusiŭ putlera pajści na hetaje pieramirje, bo bambić enierhietyčnuju infrastrukturu - peŭny krok (jašče nie finalny) da mižnarodnaha vyznańnia svajho ŭradu terarystyčnym. Darečy JEZ užo pryznaŭ rasieju sponsaram teraryzmu... pum-pum-pum