U Mahilovie praviali pakazalny sud za «łajki» ŭ «Adnakłaśnikach»
Sud Leninskaha rajona h. Mahilova 20 studzienia razhledzieŭ kryminalnuju spravu suprać 45‑hadovaha miascovaha žychara, jakoha abvinavacili pavodle č.1 i č. 2 art. 367 KK (paklop u dačynieńni da Łukašenki) za dva «łajki» ŭ «Adnakłaśnikach» pad dopisami pra Łukašenku.
Pavodle infarmacyi Mayday, sudovaje pasiadžeńnie naviedaŭ uzvod z 24 vychavancaŭ Mahiloŭskaj abłasnoj kadeckaj vučelni. Supravadžała padletkaŭ pamočnica staršyni Mahiloŭskaha abłasnoha suda Ina Drazdova. U vyniku mahiloŭcu šlacham pahłynańnia mienš stroha pakarańnia bolš strohim kančatkova pryznačyli dva hady «chatniaj chimii».
Pa viersii śledstva, žychar Mahilova pastaviŭ «łajk» u «Adnakłaśnikach» pad pastom, «što źmiaščaŭ zahadzia łžyvyja vydumki ŭ dačynieńni da Łukašenki, złučanyja z abvinavačvańniem u ździajśnieńni asabliva ciažkaha złačynstva, tym samym raźmiaściŭšy post u volnym dostupie dla inšych karystalnikaŭ sietki internet». Paźniej jon znoŭ pastaviŭ «łajk», ale ŭžo pad publikacyjaj z tekstam i vyjavaj Łukašenki ŭ hrupie, pryznanaj «ekstremisckaj». Pavodle viedamstva, publikacyja «ŭtrymlivała zahadzia łžyvyja vydumki ŭ dačynieńni da kiraŭnika dziaržavy, nakiravanyja na farmavańnie niehatyŭnaha stereatypa i admoŭnaha vobraza prezidenta Respubliki Biełaruś».
Na sudovym pasiadžeńni mužčyna pryznaŭ svaju vinu i ščyra raskajaŭsia.
Sud Leninskaha rajona h. Mahilova pryznaŭ jaho vinavatym u «paklopie ŭ dačynieńni da Łukašenki» pavodle č. 2 art. 367 KK i pryznačyŭ dva hady abmiežavańnia voli, a pavodle č. 1 art. 367 KK jamu pryznačyli pakarańnie ŭ vyhladzie abmiežavańnia voli terminam na adzin hod. Šlacham pahłynańnia mienš strohaha pakarańnia bolš strohim kančatkova pryznačyli pakarańnie ŭ vyhladzie abmiežavańnia voli biez nakiravańnia ŭ prapraŭčuju ŭstanovu adkrytaha typu terminam na dva hady.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary
A jeŝio pokazatielnyje sudy, vystavki v čiesť okkupantov, postojannyje pobory načinaja s sadikov i zakančivaja nieuborkoj śnieha, provokacii sosiediej i mnohoje druhoje. Vsio sdobrieno kołchoznym chamstvom i nachrapom.
I čto ždiot etu stranu čieriez 10-30-50 let...