Суд Ленінскага раёна г. Магілёва 20 студзеня разгледзеў крымінальную справу супраць 45‑гадовага мясцовага жыхара, якога абвінавацілі паводле ч.1 і ч. 2 арт. 367 КК (паклёп у дачыненні да Лукашэнкі) за два «лайкі» ў «Аднакласніках» пад допісамі пра Лукашэнку.
Паводле інфармацыі Mayday, судовае пасяджэнне наведаў узвод з 24 выхаванцаў Магілёўскай абласной кадэцкай вучэльні. Суправаджала падлеткаў памочніца старшыні Магілёўскага абласнога суда Іна Драздова. У выніку магілёўцу шляхам паглынання менш строга пакарання больш строгім канчаткова прызначылі два гады «хатняй хіміі».
Па версіі следства, жыхар Магілёва паставіў «лайк» у «Аднакласніках» пад пастом, «што змяшчаў загадзя лжывыя выдумкі ў дачыненні да Лукашэнкі, злучаныя з абвінавачваннем у здзяйсненні асабліва цяжкага злачынства, тым самым размясціўшы пост у вольным доступе для іншых карыстальнікаў сеткі інтэрнэт». Пазней ён зноў паставіў «лайк», але ўжо пад публікацыяй з тэкстам і выявай Лукашэнкі ў групе, прызнанай «экстрэмісцкай». Паводле ведамства, публікацыя «ўтрымлівала загадзя лжывыя выдумкі ў дачыненні да кіраўніка дзяржавы, накіраваныя на фармаванне негатыўнага стэрэатыпа і адмоўнага вобраза прэзідэнта Рэспублікі Беларусь».
На судовым пасяджэнні мужчына прызнаў сваю віну і шчыра раскаяўся.
Суд Ленінскага раёна г. Магілёва прызнаў яго вінаватым у «паклёпе ў дачыненні да Лукашэнкі» паводле ч. 2 арт. 367 КК і прызначыў два гады абмежавання волі, а паводле ч. 1 арт. 367 КК яму прызначылі пакаранне ў выглядзе абмежавання волі тэрмінам на адзін год. Шляхам паглынання менш строгага пакарання больш строгім канчаткова прызначылі пакаранне ў выглядзе абмежавання волі без накіравання ў прапраўчую ўстанову адкрытага тыпу тэрмінам на два гады.
Цяпер чытаюць
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м2
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1111
Каментары
А ещё показательные суды, выставки в честь оккупантов, постоянные поборы начиная с садиков и заканчивая неуборкой снега, провокации соседей и многое другое. Всё сдобрено колхозным хамством и нахрапом.
И что ждёт эту страну через 10-30-50 лет...