Чаму ў Беларусі піва разліваюць у пластыкавыя бутэлькі, а ў Еўропе больш у шкло і бляшанкі
«Лідскае піва» адказала на гэта пытанне.
Фота: сацсеткі
Кампанія «Лідскае піва» напісала ў сацсетках, што ў іх днямі спыталі: чаму ў Беларусі піва разліваюць у пластыкавыя бутэлькі, а ў Еўропе больш у шкло і бляшанкі.
«Насамрэч, існуе шэраг прычын. І эканамічныя, і экалагічныя, і заканадаўчыя. Але вось што цікава. Адна з прычын — у культуры ўжывання. У Беларусі піва часцей п'юць дома, на лецішчы, на рыбалцы. Не ў барах. Таму пластык — гэта больш танна і зручна», — патлумачыла кампанія.
Яна дадала, што апошнім часам у Беларусі больш увагі надаюць і экалогіі, і культуры спажывання.
«І ўсё часцей беларусы выбіраюць напоі ў шкле і бляшанках. Так што з цягам часу можа здарыцца і такое, што і ў нас пластык стане рэдкасцю», — адзначыла «Лідскае піва».
Каментары
Выключна таму, што танней. Бо ня трэба падтрымліваць абарот таго шкла. Пластык заўжды яшчэ надзьмеш.
Трэба зрабіць збор на тару - і на тое, і на другое. Як у Еўропе. І паглядзець.
---
1) Рызыка таксічных вылучэнняў: ПЭТ (поліэтылентэрэфталат) можа вылучаць шкодныя рэчывы пры высокай тэмпературы, прамым сонечным святле або працяглым захоўванні,.
2)Акісленне напою: ПЭТ-ўпакоўка прапускае паветра лепш, чым шкло ці алюміній, з-за чаго піва хутчэй псуецца і змяняе густ.
3) Хімічная рэакцыя: Алкаголь - гэта растваральнік, які пры працяглым кантакце з пластыкам спрыяе пераходу кампанентаў пластыка ў напой.
upd2 : .... у нашых вытворцаў таксама трэба запытацца, чаму, напрыклад, ЗША гадоў 5 таму поўнасцю ЗАБАРАНІЛА МАРГАРЫН.
.... адказ - аналагічны