Жонка Макрона пра гады ў статусе першай лэдзі: Я ўбачыла чарнату свету, дурасць, злосць
Першая лэдзі Францыі Брыжыт Макрон прызналася ў інтэрв’ю выданню La Tribune Dimanche, што ёй часам сумна як ніколі раней да яе пераезду ў Елісейскі палац разам з мужам.
«Раней у мяне было нармальнае жыццё, дзеці, праца, узлёты і падзенні, як і ва ўсіх. Тут гэтыя дзесяць гадоў праляцелі так хутка… Яны былі настолькі інтэнсіўнымі. Я ўбачыла чарнату свету, дурасць, злосць», — сказала жонка Эмануэля Макрона.
«У мяне бываюць моманты песімізму, якіх не было раней», — заўважыла яна.
У 2027 годзе, пасля двух прэзідэнцкіх тэрмінаў Макрона, яны пакінуць Елісейскі палац.
Брыжыт, пасля таго як сутыкнулася з цкаваннем у інтэрнэце (падставай стала яе знешнасць і розніца ва ўзросце з мужам — Брыжыт на 25 гадоў старэйшая, ёй 73 гады), падзялілася, што запісванне сваіх думак ёй вельмі дапамагае.
Калі ў 2024‑м першая лэдзі Францыі падавала скаргу з-за цкавання (за тое, што яе называлі трансгендарам), то тлумачыла следчым, што гэтыя чуткі мелі вельмі моцны рэзананс для яе самой і яе асяроддзя.
Цяпер чытаюць
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ5
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары