На чэмпіянаце Еўропы беларускі барэц даў поўху тытулаванаму турку за яго нахабства. Гэта ледзь не каштавала нашаму медаля
На чэмпіянаце Еўропы па барацьбе ў албанскай Тыране адбыўся скандал з удзелам беларускага спартсмена Паўла Глінчука. Беларуса ледзь не дыскваліфікавалі, але ён у выніку вырваў сабе медаль, піша «Трыбуна».
Павел Глінчук упэўнена дайшоў да паўфіналу, перамогшы супернікаў са Швецыі і італьянскага прадстаўніцтва. У паўфінале яго супернікам стаў вельмі вопытны турэцкі барэц Рыза Каяалп — 11‑разовы чэмпіён Еўропы і 5‑разовы чэмпіён свету.
Падчас паядынку, у якім упэўнена перамагаў турэцкі спартсмен, ён двойчы ўдарыў Глінчука далонню па галаве, што супярэчыць правілам. Суддзя спыняў паядынак і рабіў заўвагі. Але пасля другога такога эпізоду беларус не стрымаўся: штурхнуў суперніка і ў адказ таксама ўдарыў яго.
Пасля гэтага Каяалп карцінна упаў на дыван, а суддзі пасля абмеркавання сітуацыі дыскваліфікавалі Глінчука за паводзіны. Ён пасля таго не падаў руку ні суперніку, ні суддзям.
Спачатку гэта азначала, што беларус не зможа змагацца за бронзу. Аднак яго каманда падала апеляцыю, звярнуўшы ўвагу, што канфлікт справакаваў менавіта турэцкі барэц. У выніку рашэнне змякчылі: дыскваліфікацыя засталася толькі за гэты паядынак, але Глінчуку дазволілі ўдзельнічаць у барацьбе за трэцяе месца.
Увечары 21 красавіка Павел Глінчук, які на гэтых спаборніцтвах выступае ў нейтральным статусе, выйшаў на паядынак за бронзу супраць іншага «нейтральнага» спартсмена — Марата Кампарава з Расіі. У ім ён быў мацнейшы і заваяваў медаль.
Паўлу Глінчуку 24 гады, ён родам з Докшыцкага раёна. Дужаецца ён у самай цяжкай вагавай катэгорыі.
Цяпер чытаюць
Сталі вядомыя падрабязнасці пра трагедыю ў Полацкім манастыры5
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары