На цырымоніі тэнісістка была ў доўгай бліскучай сукенцы, расшытай паеткамі, з глыбокім выразам збоку.
Чатырохразовая чэмпіёнка турніраў «Вялікага шлема» і першая ракетка свету Арына Сабаленка прызнана «Спартсменкай года» па версіі прэстыжнай міжнароднай прэміі Laureus World Sports Awards, піша championat.com.
Уручэнні прэміі праходзіла ў Мадрыдзе (Іспанія). Сабаленка на цырымоніі была ў доўгай бліскучай сукенцы, расшытай паеткамі, з глыбокім выразам збоку і з серабрыстай сумачкай «Гуччы» (спартоўка нядаўна стала амбасадарам гэтага люксавага брэнду).
З тэнісісткай за званне канкурыравалі:
- Айтана Банмаці (футбол, Іспанія);
- Меліса Джэферсан (лёгкая атлетыка, ЗША);
- Фаіт Чэпнгеціч Кіп'егон (лёгкая атлетыка, Кенія);
- Кэці Ледэкі (плаванне, ЗША);
- Сідні Маклафлін-Леўрон (лёгкая атлетыка, ЗША).
Статуэтка прэміі Laureus Awards распрацавана і выраблена люксавым брэндам Cartier.
Шорт-лісты намінацый Laureus фарміруюцца шляхам галасавання больш чым 1000 спартыўных СМІ з больш як 70 краін. Пасля гэтага Сусветная спартыўная акадэмія Laureus выбірае пераможцаў з дадзеных шорт-лістаў.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары