Na cyrymonii tenisistka była ŭ doŭhaj bliskučaj sukiency, rasšytaj pajetkami, z hłybokim vyrazam zboku.
Čatyrochrazovaja čempijonka turniraŭ «Vialikaha šlema» i pieršaja rakietka śvietu Aryna Sabalenka pryznana «Spartsmienkaj hoda» pa viersii prestyžnaj mižnarodnaj premii Laureus World Sports Awards, piša championat.com.
Uručeńni premii prachodziła ŭ Madrydzie (Ispanija). Sabalenka na cyrymonii była ŭ doŭhaj bliskučaj sukiency, rasšytaj pajetkami, z hłybokim vyrazam zboku i ź sierabrystaj sumačkaj «Huččy» (spartoŭka niadaŭna stała ambasadaram hetaha luksavaha brendu).
Z tenisistkaj za zvańnie kankuryravali:
- Ajtana Banmaci (futboł, Ispanija);
- Mielisa Džefiersan (lohkaja atletyka, ZŠA);
- Fait Čepnhiecič Kipjehon (lohkaja atletyka, Kienija);
- Keci Ledeki (płavańnie, ZŠA);
- Sidni Makłaflin-Leŭron (lohkaja atletyka, ZŠA).
Statuetka premii Laureus Awards raspracavana i vyrablena luksavym brendam Cartier.
Šort-listy naminacyj Laureus farmirujucca šlacham hałasavańnia bolš čym 1000 spartyŭnych ŚMI z bolš jak 70 krain. Paśla hetaha Suśvietnaja spartyŭnaja akademija Laureus vybiraje pieramožcaŭ z dadzienych šort-listaŭ.
Kamientary