ГУБАЗіК заявіў пра затрыманне беларусаў, якія з Польшчы прывезлі 32 кг пораху
МУС Беларусі паведаміла пра затрыманне двух жыхароў Брэсцкай вобласці, якіх падазраюць у арганізацыі канала пастаўкі выбуховых рэчываў з Польшчы ў Расію.
Паводле версіі МУС, сілавікі ўзялі пад кантроль небяспечны груз яшчэ на мытні, але дазволілі прывезці яго на склад у Брэсце.
«Фігуранты пад аператыўным кантролем міліцыянераў прывезлі з Польшчы забаронены груз і захоўвалі яго на складзе ў аблцэнтры», — гаворыцца ў прэс-рэлізе.
Ужо калі мужчыны павезлі груз у Расію, на трасе М-1 іх затрымалі. У фуры было 32 кг пораху, піша МУС.
Затрыманым — 35‑гадоваму берасцейцу і 37‑гадоваму жыхару Маларыцкага раёна — пагражае да 10 гадоў пазбаўлення волі.
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя5
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары