«Vidać, što apory razvalvajucca». Stan adnaho ź minskich mastoŭ cieraź Śvisłač vyklikaje tryvohu
U siecivie źjaviłasia videa mosta praź Śvisłač na vulicy Dzianisaŭskaj, stan jakoha, na dumku aŭtara, vyklikaje zaniepakojenaść. Što adkazali na hetuju zaŭvahu śpiecyjalisty, daviedałasia ahienctva «Minsk-Naviny».
«A ŭ nas čarhovy most na draŭlanych padporkach pamiž Majakoŭkaj i Sierabrankaj. Vidać, što apory razvalvajucca. Kab ich pastavić, tut prakłali cełuju darohu, pierakryŭšy raku. Z fundamientnaj plity niešta vyciakaje. Atrymlivajecca, jaho ŭžo padmyła. Naviersie, jak zvyčajna, novy asfalt i jamačny ramont», — raskazvaje pra niedachopy zakadravy hołas.
Na videa bačnaja patreskanaja tynkoŭka, a sama budynina ŭmacavanaja dadatkovymi kanstrukcyjami.
Pra stan mosta viedajuć na pradpryjemstvie «Haraŭtamost» i zapeŭnivajuć, što miery ŭžo prymajucca.
«Ciapier viadziecca raspracoŭka prajekta rekanstrukcyi mosta praz raku Śvisłač pa vulicy Dzianisaŭskaj. Budaŭniča-mantažnyja raboty pa rekanstrukcyi zbudavańnia zapłanavanyja na 2027 hod, — raskazali śpiecyjalisty. — Rašeńnie pa ŭstanoŭcy dźviuch strachovačnych apor było pryniata z metaj harantavańnia biaśpiečnaj ekspłuatacyi mosta da praviadzieńnia ramontnych rabot».
Ciapier čytajuć
Što viadoma pra viciebčuka, jakoha vinavaciać u sprobie padryvu samalota ŭ Hiermanii16
Kamientary