Kampanija «HRYNroźnica», jakaja kiruje sietkaj supiermarkietaŭ Green, u mai pačnie raźmiaščeńnie ablihacyj. Abjom emisii składzie amal 20 miljonaŭ rubloŭ.
Ich razam z pracentami (7,5% hadavych) abiacaje viarnuć da kanca 2032 hoda Hienadź Kim-Hłozman, piša vydańnie «Biełarusy i rynak».
Mienavita takoje proźvišča ciapier nosić viadomy raniej jak Hienadź Kirejkaŭ (38‑ie miesca ŭ top-100 paśpiachovych biznesmienaŭ Biełarusi 2025 hoda) adziny ŭładalnik «HRYNroźnica», Green, a taksama inšych aktyvaŭ hrupy kampanij «Rapa».
Pry hetym Hienadź Kim-Hłozman źmianiaje proźvišča ŭžo druhi raz. Svoj biznes, jaki tady nazyvaŭsia Korean Trade Leader Company, jany pačynali razam z bratam u pačatku 1990‑ch jak Anatol i Hienadź Kim.
Jak paviedamlajecca ŭ praśpiekcie, prynamsi ŭ bližejšyja try hady pazyčanyja srodki nie buduć układvacca ŭ pašyreńnie roźničnaha biźniesu: sietka Green składajecca z 38 kropak, i adkryvać novyja pakul nie płanujecca. Hetyja miljony pojduć «na aptymizacyju svajoj dziejnaści ŭ Respublicy Biełaruś, z asablivym akcentam na pavieličeńnie tavaraabarotu i ŭmacavańnie pazicyj na rynku».
«Asnoŭnyja pryjarytety na 2026—2028 hady: utrymańnie isnujučych klijentaŭ i pryciahnieńnie novych pakupnikoŭ; rost tavaraabarotu praz pavieličeńnie siaredniaha čeka; fokus na jakaści tavaraŭ i pasłuh, palapšeńnie absłuhoŭvańnia; aktyŭnaje raźvićcio asartymientu ŭ roznych cenavych siehmientach», — adznačajecca ŭ praśpiekcie emisii.
Čakajecca, što hetyja miery dazvolać rytejleru vyjści sa strat. U 2024—2025 hadach «HRYNroźnica» spracavała, adpaviedna, ź minusam 10,0 młn i 8,28 młn rubloŭ. Adnak užo ŭ 2026 hodzie płanujecca vyjści ŭ plus 714 tys. rubloŭ, a ŭ nastupnym hodzie — pavialičyć čysty prybytak u čatyry razy.
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury6
Kamientary