Кампанія «ГРЫНрозніца», якая кіруе сеткай супермаркетаў Green, у маі пачне размяшчэнне аблігацый. Аб’ём эмісіі складзе амаль 20 мільёнаў рублёў.
Іх разам з працэнтамі (7,5% гадавых) абяцае вярнуць да канца 2032 года Генадзь Кім-Глозман, піша выданне «Беларусы і рынак».
Менавіта такое прозвішча цяпер носіць вядомы раней як Генадзь Кірэйкаў (38‑е месца ў топ-100 паспяховых бізнэсменаў Беларусі 2025 года) адзіны ўладальнік «ГРЫНрозніца», Green, а таксама іншых актываў групы кампаній «Рапа».
Пры гэтым Генадзь Кім-Глозман змяняе прозвішча ўжо другі раз. Свой бізнэс, які тады называўся Korean Trade Leader Company, яны пачыналі разам з братам у пачатку 1990‑х як Анатоль і Генадзь Кім.
Як паведамляецца ў праспекце, прынамсі ў бліжэйшыя тры гады пазычаныя сродкі не будуць укладвацца ў пашырэнне рознічнага бізнесу: сетка Green складаецца з 38 кропак, і адкрываць новыя пакуль не плануецца. Гэтыя мільёны пойдуць «на аптымізацыю сваёй дзейнасці ў Рэспубліцы Беларусь, з асаблівым акцэнтам на павелічэнне тавараабароту і ўмацаванне пазіцый на рынку».
«Асноўныя прыярытэты на 2026—2028 гады: утрыманне існуючых кліентаў і прыцягненне новых пакупнікоў; рост тавараабароту праз павелічэнне сярэдняга чэка; фокус на якасці тавараў і паслуг, паляпшэнне абслугоўвання; актыўнае развіццё асартыменту ў розных цэнавых сегментах», — адзначаецца ў праспекце эмісіі.
Чакаецца, што гэтыя меры дазволяць рытэйлеру выйсці са страт. У 2024—2025 гадах «ГРЫНрозніца» спрацавала, адпаведна, з мінусам 10,0 млн і 8,28 млн рублёў. Аднак ужо ў 2026 годзе плануецца выйсці ў плюс 714 тыс. рублёў, а ў наступным годзе — павялічыць чысты прыбытак у чатыры разы.
-
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак
-
Паведамленне, што на фэст у Будславе прыязджаў мітрапаліт Веніямін, было памылковым
-
На Сож спусцілі «Пасейдона». У Гомелі стварылі сучасны цеплаход з сонечнымі панэлямі і першым у Беларусі вадамётным рухачом
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак18
Каментары