Jak paviedamlajecca, mašynu 48‑hadovaha byłoha hałkipiera łondanskaha «Arsienała», turynskaha «Juvientusa» i zbornaj Aŭstryi źbiŭ ciahnik na čyhunačnym pierajeździe.
Trahiedyja adbyłasia 15 krasavika ŭ rajonie Zalcburha. Pavodle infarmacyi palicyi, Maninhier jechaŭ na aŭtamabili i na nierehulavanym čyhunačnym pierajeździe ŭ miastečku Nusdorf-am-Chaŭnśbierh sutyknuŭsia ź ciahnikom miascovaj čyhunki. Mašynu začapiła i praciahnuła niekalki mietraŭ. Spačatku paviedamlałasia pra ciažkija traŭmy kiroŭcy, ale paźniej stała viadoma, što mužčyna pamior.
Alaksandr Maninhier byŭ adnym z samych viadomych aŭstryjskich hałkipieraŭ svajho pakaleńnia. Prafiesijnuju karjeru jon pačaŭ u zalcburhskaj «Aŭstryi» ŭ siaredzinie 1990-ch. Šyrokuju viadomaść atrymaŭ paśla pierachodu ŭ łondanski «Arsienał», ź jakim u siezonie 1997/98 staŭ čempijonam Anhlii i ŭładalnikam Kubka krainy.
Na praciahu karjery jon vystupaŭ za šerah viadomych jeŭrapiejskich kłubaŭ, u tym liku ŭ Italii i Hiermanii. U 2008‑2012 hadach hulaŭ za znakamity turynski «Juvientus». U nacyjanalnaj zbornaj Aŭstryi pravioŭ 33 matčy.
Siarod inšaha Maninhier stajaŭ na varotach «Juvientusa» ŭ matčy hrupavoha etapu Lihi čempijonaŭ z barysaŭskim BATE, jaki adbyŭsia ŭ Minsku 30 vieraśnia 2008 hoda. Toj matč skončyŭsia hanarovaj dla barysaŭcaŭ ničyjoj 2:2.
Kamientary