Prezident ZŠA raniej zajaviŭ pra niejkaje «ramačnaje pahadnieńnie» — pra kuplu Hrenłandyi, upłyŭ i miljony.
Adnak ministr ekanomiki Hrenłandyi Naaja Natańjelsen žorstka paryruje: «Nijakaha ramačnaha pahadnieńnia niama».
Pavodle słoŭ ministra, heta čystaja fantazija. «Nam spačatku treba pačać dyjałoh», — padkreślivaje jana. Pieramovy — tak, ale tolki pra abaronu i biaśpieku, a nie pra vałodańnie abo prodaž. «U nas jość čyrvonyja linii, źviazanyja z suvierenitetam», — kaža jana ŭ intervju haziecie Frankfurter Allgemeine Zeitung (FAZ).
Čamu Tramp naohuł naceliŭsia na Hrenłandyju? Natańjelsen bačyć u hetym niebiaśpiečnaje viartańnie staroha myśleńnia: «Nam ciažka zrazumieć hety elemient ekspansijanisckaj ideałohii. My ličyli, što paśla Druhoj suśvietnaj vajny z takim myśleńniem było skončana».
U Hrenłandyi jość toje, što ZŠA terminova patrebna: 39 krytyčna važnych minierałaŭ. Adnak maštabnaha napłyvu amierykanskich inviestaraŭ niama. «Na hety momant ja nie baču bujnych amierykanskich inviestycyj», — sucha kanstatuje ministr.
Kažuć, što amierykanski miljarder Ronald Łaŭder padkazaŭ Trampu ideju pakupki. Natańjelsen zastajecca ćviordaj: «My chočam, kab jany karystalisia hałoŭnym uvachodam. Vykonvali našy praviły. I ŭ jakaści bazavaha pryncypu — mižnarodnaje prava».
Asabliva absurdnym jana ličyć čutki pra toje, što hrenłandcy nibyta mahli b stać amierykancami za 100 000 dalaraŭ na čałavieka. Natańjelsen hučna śmiajecca: «Vy b za 100 000 dołaraŭ admovilisia ad taho, kab być niemcam?» Hrenłandcy — heta bolš, čym hrošy: «My nie pradajemsia».
Ahresyŭnaja rytoryka z Vašynhtona zrabiła ŭražańnie. «Spačatku było šmat strachu i tryvohi. Ciapier ludzi złujucca», — kaža Natańjelsen. «Što heta za siabar, jaki pahražaje vajennym uvarvańniem?»
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary