U sacyjalnych sietkach źjaviłasia videa z mytni pad Minskam, dzie na placoŭcy «Biełmytservisu» zaŭvažyli sapraŭdny Betmabil. Pavodle słoŭ vidavočcaŭ, niezvyčajny aŭtamabil tolki što vyhruzili z kantejniera, a pahladzieć na jaho źbiehłasia ledź nie pałova supracoŭnikaŭ składa časovaha zachoŭvańnia, piša vydańnie abw.by.
Jak miarkujuć aŭtaamatary, chutčej za ŭsio heta nie aryhinał z kino, a replika, zroblenaja na bazie Chevrolet Corvette 1980‑ch hadoŭ.
Niahledziačy na heta, źjaŭleńnie takoha aŭtamabila ŭ Biełarusi stała niečakanaściu i vyklikała vialikuju cikavaść. Mnohija ličać, što Betmabil nie zatrymajecca ŭ Minsku i chutka pajedzie dalej — heta aktyŭna abmiarkoŭvajuć u kamientaryjach da videa, apublikavanaha kampanijaj sevmotors.by.
Vydańnie «AvtoHrodno» nahadvaje, što ŭ kinahistoryi pra Betmiena było niekalki roznych Betmabilaŭ. Toj, jaki zaŭvažyli ŭ Biełarusi, padobny da mašyny ź filmaŭ Cima Biortana «Betmien» (1989) i «Betmien viartajecca» (1992). Hety varyjant adroźnivaŭsia doŭhim, nizkim i abciakalnym kuzavam i byŭ pabudavany na šasi Chevrolet Impala. Jaho zadniaja častka nahadvaje kancept-kar Fiat Turbina z 1950‑ch hadoŭ.
Padobny Betmabil letaś pradavaŭsia na amierykanskim aŭkcyjonie Mecum. Jon byŭ abstalavany 5, 7‑litrovym vaśmicylindravym ruchavikom i aŭtamatyčnaj karobkaj pieradač.
Videa ź minskaj mytni sabrała sotni žartoŭnych kamientaroŭ. Karystalniki pisali, što Betmien pryjechaŭ dapamahać čyścić śnieh, što ŭ Biełarusi nastolki spakojna, što navat supierhieroi siudy zajazdžajuć, abo što zimovyja darohi mohuć prymusić jaho chutka raźviarnucca i źjechać. Inšyja žartujuć pra viečarynu, zdymki novaha filma ci navat pra «biełaruskaha Betmiena».
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary
[Zredahavana]