Upieršyniu ŭ historyi ZŠA moža adbycca skaračeńnie kolkaści nasielnictva ŭžo ŭ 2026 hodzie. Da hetaha pryviała žorstkaja mihracyjnaja palityka prezidenta Donalda Trampa, adznačaje ahienctva Bloomberg.
Raniej Fiederalnaje biuro pierapisu nasielnictva prahnazavała, što źnižeńnie kolkaści žycharoŭ u ZŠA pačniecca nie raniej za 2081 hod. Za ŭsiu historyju aficyjnych pierapisaŭ u krainie takoje skaračeńnie nikoli nie nazirałasia, bo ZŠA zaŭsiody pryciahvali mihrantaŭ, i heta spryjała rostu nasielnictva.
Analityki Amierykanskaha instytuta pradprymalnictva i Brukinhskaha instytuta adznačajuć, što ŭžo ŭ 2026 hodzie moža adbycca pieršaje realnaje źnižeńnie kolkaści žycharoŭ.
Navat kali heta nie zdarycca dakładna ŭ hetym hodzie, druhi prezidencki termin Trampa, pa ich słovach, paskaraje nadychod krytyčnaha momantu: čysty prytok mihrantaŭ užo nie budzie kampiensavać źmianšeńnie naradžalnaści i rost śmiarotnaści z-za stareńnia nasielnictva. Mahčymaje skaračeńnie — bolš za 400 tysiač čałaviek.
Demahrafičnyja prablemy mohuć niehatyŭna ŭpłyvać na ekanomiku. Bloomberg pryvodzić prykłady Kitaja, dzie ŭ 2025 hodzie zafiksavany samy nizki ŭzrovień naradžalnaści z 1949 hoda, i Japonii, dzie skaračeńnie nasielnictva tarmozić ekanamičny rost. Padobnyja pracesy ŭ Jeŭropie taksama ličacca faktaram ekanamičnaj stahnacyi.
Pa danych Fiederalnaha biuro pierapisu nasielnictva, pa stanie na 1 lipienia 2025 hoda ŭ ZŠA pražyvała 341,8 miljona čałaviek, a na siońniašni dzień nasielnictva vyrasła da 342,3 miljona.
Za apošnija dva tydni imihracyjnyja słužby ZŠA zatrymali nie mienš za 7 biełarusaŭ
ZŠA vypadkova departavali mieksikanca, jakoha padazrajuć u najbujniejšym rabavańni kaštoŭnaściej u historyi krainy
Stała viadoma imia mužčyny, jakoha fiederalnyja ahienty zastrelili ŭ Minieapalisie. U horadzie znoŭ uspychnuli pratesty
Tramp u Davosie: Jeŭropa ruchajecca nie ŭ tym kirunku
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju84
Kamientary
Cieny na niedvižku užie pošli vniz. A eto javnyj markier krizisa. Potom banki poprosiat pokryť raźnicu po padieniju załohovoj stoimosti doma,dienieh u ludiej niet, značit eti doma bank otbieriot i oni vyjdut na rynok uroniv jeŝio nižie cieny.