Ci raście złačynnaść paśla pryjezdu imihrantaŭ? Pravieryli na prykładzie Polščy
Niekatoryja biełarusy panikujuć praź mierkavany pryjezd 150 tysiač pakistancaŭ — maŭlaŭ, takaja masavaja mihracyja paspryjaje rostu złačynstvaŭ. Pravieryli na prykładzie susiedniaj Polščy, ci pracuje takaja łohika.
Na pieršy pohlad, statystyka niesuciašalnaja — z rostam imihracyi ŭ Polščy raście i kolkaść złačynstvaŭ. Naprykład, u 2016 hodzie ŭ krainie zarehistravali 4613 złačynstvaŭ, ździejśnienych zamiežnikami. U nastupnyja niekalki hadoŭ ich kolkaść mocna vyrasła — u 2019-m zarehistravali 9236 złačynstvaŭ z boku imihrantaŭ.
U 2020-m pakazčyk źniziŭsia da 8781 vypadka, što možna patłumačyć kavidnymi abmiežavańniami. Kali ich źmiakčyli, kolkaść złačynstvaŭ pačała raści, i ŭ 2021-m zarehistravali 10926 takich vypadkaŭ.
U 2022-m, kali ŭ krainu masava prybyli ŭciekačy z Ukrainy, kolkaść złačynstvaŭ siarod zamiežnikaŭ jašče bolš skoknuła ŭvierch — da 15757 vypadkaŭ. U 2023-m palaki zarehistravali 17149 takich vypadkaŭ, a pa stanie na pieršyja 10 miesiacaŭ 2024-ha takich złačynstvaŭ było 13315.
Siarod padazravanych pa stanie na 2023 hod čaściej za ŭsio byli hramadzianie Ukrainy, Biełarusi, Hruzii, Rasii, Afhanistana i Indyi.
Zdajecca, ličby vialikija, ale ich treba razhladać u kantekście. Pa-pieršaje, kolkaść imihrantaŭ, jakija pierabralisia ŭ Polšču, u 2024-m była prykładna ŭ 10 razoŭ bolšaja, čym 10 hadoŭ tamu, a kolkaść złačynstvaŭ siarod zamiežnikaŭ vyrasła tolki ŭ 4-5 razoŭ. To-bok uzrovień złačynnaści siarod zamiežnikaŭ źniziŭsia prykładna ŭ dva razy.
Pa-druhoje, cikava paraŭnać kolkaść złačynstvaŭ ad emihrantaŭ z ahulnaj kolkaściu złačynstvaŭ. U 2023-m polskaja palicyja vyjaviła 560 tysiač złačynstvaŭ.
Takim čynam imihranty składajuć 7% žycharoŭ Polščy, ale pry hetym jany ździejśnili kala 3% ad ahulnaj kolkaści złačynstvaŭ. Atrymlivajecca, uzrovień złačynnaści siarod imihrantaŭ mienšy, čym siarod hramadzian Polščy.
Što za złačynstvami zamiežnikaŭ u Biełarusi?
Pa hetym pytańni jość statystyka MUS za 2023 hod.
Tady było zafiksavana 1148 takich rasśledavanych złačynstvaŭ (u 2022-m — 1224). Kolkaść zamiežnikaŭ, jakija ŭčynili hetyja złačynstvy, — 919. Ich udzielnaja vaha ŭ ahulnaj struktury złačynnaści skłała 2,5%.
Najbolšaja kolkaść kryminalnych złačynstvaŭ była ździejśniena hramadzianami Rasii (59,5%, 683 vypadki). Dalej išli hramadzianie Ukrainy (11,1%, 125 vypadkaŭ), Turkmienistana (5,7%, 65 vypadkaŭ) i Kazachstana (2,4%, 27 vypadkaŭ).
65,9% zamiežnikaŭ, jakija ździejśnili złačynstvy, nie vučylisia i nie pracavali.
Kali kazać pra administracyjnyja pravaparušeńni zamiežnikaŭ, to ich u 2023-m było 164 079 vypadkaŭ. Ź ich bolšaść (145 302) — pravaparušeńni suprać biaśpieki ruchu i ekspłuatacyi transpartu. U hetaj katehoryi zvyčajna pieravažajuć pieravyšeńni chutkaści.
«Naša Niva» — bastyjon biełaruščyny
PADTRYMAĆCiapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ21
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary
Sdiełajtie sravnienije statistiki takoje v Hiermanii naprimier, budiet vidna kartina. Polša nie prinimała takoho koł-va musulmanskich mihrantov i nie primiet. Poetomu primier Polši dla rassuždienij o tom kak budiet kohda prijediet 150 tys pakistanciev absolutno nierielevantien. Sova na hłobus