U vydaviectvie «Technałohija» vyjšła novaje vydańnie słoŭnika Janki Sałamieviča, jaki źmiaščaje 20 250 rasšyfravanych psieŭdanimaŭ i kryptanimaŭ biełaruskich litarataraŭ, hramadska-palityčnych i kulturnickich dziejačaŭ ad XVI da kanca XX stahodździa.
«A ŭ nas novaje hrandyjoznaje vydańnie! Hetaja kniha moža stać nie tolki šykoŭnym padarunkam na pamiać, ale i daskanałaj krynicaj viedaŭ. Słoŭnik Janki Sałamieviča źmiaščaje 20 250 rasšyfravanych psieŭdanimaŭ i kryptanimaŭ biełaruskich litarataraŭ, hramadska-palityčnych i kulturnickich dziejačaŭ ad XVI da kanca XX stahodździa. Jon achoplivaje ŭsie publikacyi na biełaruskaj movie, u tym liku vydańni našaj dyjaspary, a taksama publikacyi na polskaj i ruskaj movach, jakija vychodzili ŭ Biełarusi», — paviedamiła vydaviectva ŭ fejsbuku.
Słoŭnik prapanujecca litaraturaznaŭcam, historykam, krajaznaŭcam, vykładčykam VNU, studentam, nastaŭnikam, a taksama šyrokamu kołu čytačoŭ, jakija cikaviacca bahataj paetyčnaj spadčynaj biełaruskaha naroda.
Nad vydańniem Janka Sałamievič, što pamior u 2012 hodzie, pracavaŭ usio svajo žyćcio. Pieršaje vydańnie «Słoŭnika biełaruskich psieŭdanimaŭ i kryptanimaŭ XVI-XX stst.» vyjšła ŭ 1983 hodzie.
Potym jon zasieŭ za dapracoŭku, pašyryŭšy ŭ niekalki razoŭ.
Abjom novaj knihi — 703 staronki, košt — 55 rubloŭ.
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary