Biełaruska pryviezła na tydzień mody ŭ Paryžy lnianyja viasielnyja sukienki FOTY
Kalekcyju ź biełaruskaha lonu acaniŭ eks-pamočnik znakamitaha madeljera Haćje.
Na Paryžskim tydni mody svaje pracy prezientavała biełaruskaja dyzajnierka viasielnych i viačernich uboraŭ Natalla Minina. Kalekcyju jana stvaryła ź lonu, piša Tochka.by.
Adzieńnie na 98% składajecca z naturalnaha materyjału i całkam vykanana ŭručnuju. Z dekoru — facinavyja kvietki i inšyja elemienty.
Unikalnaść kalekcyi — u sumiaščeńnie pryrody i raskošy.
Na paryžski podyum Natalla zaprasiła dziaŭčat roznych kamplekcyj i ŭzrostu. Rost adnoj ź ich — 158 sm.
«My vyrašyli źniać abutak z madelaŭ, takim čynam jašče bolš padkreślić naturalnaść. A na adzin z vychadaŭ dziaŭčat paprasili ŭziać jabłyki. Takim čynam stvaryŭsia lohki i naturalny vobraz prahułki pa sadzie. Bo, kab być pryhožymi, nam nie patrebnyja ŭpryhažeńni, dastatkova znajści niešta asablivaje ŭ svajoj dušy», — prakamientavała dyzajnierka žurnalistam.
Samaje pryjemnaje dla Natalli — uvaha i acenka «kaleh pa cechu». Tak, da biełaruskaj dyzajnierki padyšoŭ viadomy madeljer Naz Majer, eks-pamočnik Žana-Pola Haćje.
Pryznanamu ekśpiertu kalekcyja spadabałasia. Jašče adno pryjemnaje dasiahnieńnie — fota z pakazu kalekcyi Natalli apublikavali ŭ italjanskim časopisie Marie Claire.
Adnu z sukienak u jaje kupili z pakazu.
Niekalki dzion u Natalli pracavaŭ šoŭrum u Paryžy. Tam dyzajnierka pradstaviła sukienki pa ŭłasnaj zadumcy.
«Cikavaść da ich była sapraŭdy vialikaja: da mianie padychodzili, pytalisia, brali vizitoŭki. Ciapier ja maju znosiny z bajerami, praź jakich płanuju supracoŭničać z suśvietnymi kramami i šourumami», — ahučyła płany dyzajnierka.
Upieršyniu za čatyry hady Biełstat apublikavaŭ źviestki ab naradžalnaści i śmiarotnaści. Danyja žachajuć39
Upieršyniu za čatyry hady Biełstat apublikavaŭ źviestki ab naradžalnaści i śmiarotnaści. Danyja žachajuć
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary