Knihu palitźniavolenaha anarchista Mikoły Dziadka «Farby paralelnaha śvietu» ŭ vieraśni nadrukavali pa-polsku ŭ poznańskim vydaviectvie Bractwo Trojka, paviedamlaje Budzma.org. Tekst pierakładali Alaksandr i Volha Łanieŭskija.
«Farby paralelnaha śvietu» Mikoła Dziadok pisaŭ, znachodziačysia ŭ źniavoleńni ŭ 2010—2015 hadach pa «spravie anarchistaŭ». Niekatoryja teksty paŭstali ŭžo na voli ŭ 2015—2016 hadach. U pradmovie da polskaha pierakładu Alaksandr Łanieŭski raspaviadaje pra akaličnaści, u jakich źjaviłasia kniha, pra los Mikoły paśla vyzvaleńnia, čamu jon znoŭ trapiŭ za kraty. Pierakładčyk taksama apisvaje ciapierašniuju situacyju, u jakoj apynuŭsia Mikoła dy inšyja biełaruskija palitviaźni.
«Farby paralelnaha śvietu» — zbornik uspaminaŭ i ese biełaruskaha palitviaźnia Mikoły Dziadka… — adznačana na sajcie vydaviectva. — Jany tyčacca «malaŭničych» momantaŭ turemnaj rečaisnaści — kamičnych i žachlivych, aptymistyčnych i zmročnych. Jak dekłaravany anarchist, Dziadok uvodzić u svaje nazirańni razvažańni pra palityčny charaktar usiaho pieražytaha i analiz miechanizmaŭ kantrolu, jak u kryminalna-vykanaŭčaj sistemie, tak i ŭ hramadstvie ŭ cełym.
Knihu možna nabyć pa spasyłcy.
Biełaruskuju viersiju knihi Mikoły Dziadka «Farby paralelnaha śvietu» možna spampavać u internet-biblijatecy kamunikat. U 2017 hodzie za hetu knihu aŭtar byŭ uhanaravany premijaj imia Franciška Alachnoviča.
12 listapada 2020 hoda Mikoła Dziadok byŭ zatrymany supracoŭnikami HUBAZiKa. 24 listapada supolnaj zajavaj 11 pravaabarončych arhanizacyj jaho pryznali palitviaźniem. 10 listapada 2021 hoda anarchista pakarali 5 hadami źniavoleńnia.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»22
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary