Źnikła suviaź z palitźniavolenym Uładzimiram Hundaram. Choć raniej listy prychodzili kožnyja dva dni
Maŭčańnie vielmi niepakoić blizkich.
Jak stała viadoma ad rodnych, palitźniavoleny Uładzimir Hundar nie vychodzić na suviaź ź siamjoj z 3 žniŭnia. U hety dzień jon patelefanavaŭ žoncy, jany parazmaŭlali, i z toj pary ničoha niama: ani listoŭ, ani zvankoŭ, piša «Viasna».
Maŭčańnie vielmi niepakoić blizkich, bo da 3 žniŭnia listy prychodzili rehularna praz 2 dni.
Zvanok u kałoniju ničoha nie prajaśniŭ — tam adkazali, što ničoha nie mohuć skazać pra toje, dzie Uładzimir. Rodnyja miarkujuć, što mužčyna moh być adpraŭleny ŭ ŠIZA. Viadoma, što dasłanaja palitviaźniu 7 žniŭnia banderol viarnułasia nazad rodnym praz 10 dzion.
Nahadajem, palitźniavoleny Uładzimir Hundar asudžany ahułam da 20 hadoŭ kałonii pa niekalkich kryminalnych spravach (sprava Aŭtuchoviča). Mužčyna maje invalidnaść praz adsutnaść adnoj nahi.
Padtrymajcie Uładzimira: PK № 2. 213800, Babrujsk, Sikorskaha, 1, 16 atrad, Uładzimir Tadevušavič Hundar
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie30
Kamientary