U Izraili sotni tysiač vyjšli na pratest suprać sudovaj reformy. Što ź joj nie tak?
Pavodle padlikaŭ arhanizataraŭ, kolkaść niezadavolenych uradam Bińjamina Nietańjachu i jaho sudovaj reformaj skłała kala paŭmiljona čałaviek. Na pratesnuju akcyju ŭ Tel-Avivie vyjšli kala 200 tysiač.
Sotni tysiač izrailcian u subotu, 11 sakavika vyjšli na demanstracyi suprać urada premjer-ministra Bińjamina Nietańjachu i sprečnaj reformy sudovaj sistemy, jakuju jon prasoŭvaje. Jak paviedamlajuć miascovyja ŚMI, u niekatorych haradach była zarehistravanaja rekordnaja kolkaść udzielnikaŭ, piša DW.
Tolki ŭ Tel-Avivie ŭ akcyjach uziali ŭdzieł kala 200 tysiač čałaviek, u Chajfie — kala 50 tysiač. Mitynhi prajšli taksama ŭ Ijerusalimie, Bieer-Šievie, Ejłacie i šerahu inšych haradoŭ. Pavodle arhanizataraŭ, ahułam pa ŭsioj krainie pratestavali kala paŭmiljona čałaviek.
Niahledziačy na razmach pratestaŭ, demanstracyi prajšli biez surjoznych sutyknieńniaŭ z palicyjaj. U Tel-Avivie byli zatrymanyja niekalki pratestoŭcaŭ padčas sproby zabłakavać trasu.
Masavyja pratesty nie ścichajuć treci miesiac zapar
Z pačatku studzienia Izrail achapili masavyja pratesty — heta adbyłosia adrazu paśla taho, jak da pracy prystupiŭ novy ŭrad na čale ź Bińjaminam Nietańjachu, jaki ekśpierty nazyvajuć samym pravym u historyi krainy. Nietańjachu ŭziaŭ styrno praz paŭtara hoda znachodžańnia ŭ apazicyi. Jon abapirajecca na padtrymku ultrapravych i ultraartadaksalnych partyj.
Adnoj z samych rezanansnych inicyjatyŭ novaha Kabinieta ministraŭ stała sudovaja reforma, prapanavanaja kiraŭnikom Miniusta Jaryvam Levinym. Novaŭviadzieńni pavinny pašyryć paŭnamoctvy Kabinieta ministraŭ pa adbory sudździaŭ Viarchoŭnaha suda i abmiežavać paŭnamoctvy hetaha sudovaha orhana pa nakładvańni vieta na zakony.
Kniesiet — parłamient Izraila — uchvaliŭ adpaviedny zakonaprajekt u pieršym čytańni 20 lutaha. Asnoŭnyja elemienty sprečnaj reformy mohuć prajści kančatkovaje čytańnie ŭ parłamiencie na nastupnym tydni, paviedamlajuć izrailskija ŚMI.
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary