Dźmitryj Kaŭko — aniestezijołah, jaki pracuje ŭ klinicy «Novy zrok» i RNPC dziciačaj chirurhii. Ranicaj 12 listapada ludzi ŭ maskach pryjšli pa jaho prosta ŭ aftalmałahičnuju kliniku. Kaleham nie patłumačyli, čamu zabirajuć doktara.
«Jaho zabrali prosta z pracy ludzi ŭ cyvilnym i maskach, advieźli ŭ RUUS Savieckaha rajona, — raspaviała «Našaj Nivie» siastra Dźmitryja. — Potym pryvieźli dadomu, jon uziaŭ zaplečnik z rečami, i znoŭ pavieźli ŭ Savieckaje RUUS».
Pa słovach siastry, ciapier Kaŭko znachodzicca na Akreścina. Jaho vinavaciać pa artykule 23.34, dniami budzie sud. Što staviać u vinu Dźmitryju, jaho siastra nie viedaje.
Raniej u domie doktara ŭžo prachodziŭ pieratrus.
«My razam žyviom u pryvatnym domie. I ŭ našym domie byŭ pieratrus jašče 1 kastryčnika.
Ad samaj ranicy da nas pryjšli. Dźmitryj byŭ na pracy, ale jaho tady nie zatrymlivali, ničoha takoha. Zabrali tady turystyčny invientar. Dźmitryj chodzić u pachody, jon navat udzielničaŭ u biełaruskaj ekśpiedycyi ŭ Antarktydu ŭ 2017-2018 hadach. Padčas pieratrusu kanfiskavali bieł-čyrvona-bieły ściah, jaki tam pabyvaŭ, — raspaviadaje siastra Kaŭko. — Zabrali turystyčnuju siakieru, piłu, dekaratyŭnuju šablu. Taksama techniku: kampjutary, telefony.
I paśla pieratrusu — cišynia.
Što tam za kryminalnaja sprava, my tak i nie zrazumieli. Pierad pieratrusam nam pakazvali pastanovu pra kryminalnuju spravu, ale vielmi chutka. Što heta za sprava, ja nie zmahła pračytać.
Kali Dźmitryj viarnuŭsia z pracy, jaho nichto nikudy nie vyklikaŭ. U jakim jon statusie, taksama było niezrazumieła. Dźmitryj u vyniku sam niejak znajšoŭ numar śledčaha, zvaniŭ, kab vyśvietlić, što heta było — ale tak i nie zmoh dazvanicca.
Sprabavaŭ viarnuć kanfiskavanyja rečy — taksama biezvynikova. Adkazali, što z RUUS usio pieradadziena ŭ SK.
Jon napisaŭ list u SK pra rečy tydni paŭtary tamu — adkaz jašče nie pryjšoŭ».
-
Maładaja siamja z Žodzina raskazała, jak u čatyry razy skaraciła vydatki na ježu
-
Cichanoŭskaja źviarnułasia da ŭkraincaŭ: My, biełarusy, viedajem, što takoje Rasija. My viedajem jaje impierskija apietyty
-
Žychary doma ŭ «Minsk-Śviecie»: Tempieratura ŭ pakojach — nižej za 18 hradusaŭ, śpim pad dźviuma koŭdrami
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»16
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary