Na miesca mitynhu Cichanoŭskaj u Słucku pryhnali techniku i aharadzili placoŭku turnikietami
U Słucku na placoŭcy, dzie 4 žniŭnia pavinien adbycca pikiet Śviatłany Cichanoŭskaj z udziełam pradstaŭnic abjadnanych štaboŭ Vieraniki Capkała i Maryi Kaleśnikavaj, padahnali techniku — aŭtavyški, palivalnuju mašynu i traktar, piša «Radyjo Svaboda».
Jak raspaviała pradstaŭnica štaba Śviatłany Cichanoŭskaj Volha Kavalkova, technika staić, ale nijakija pracy pakul nie viaducca.
Placoŭku, dzie pavinien prachodzić mitynh, aharadzili turnikietami.
Na padychodzie da placoŭki stajać traktar z kvietkami i palivalnaja mašyna. Pradstaŭniki «Zielanbuda», jakija stajali pobač, raspaviali, što źbirajucca sadžać tut kvietki na kłumbach. Skazali, što nie viedajuć, kali skončać pracy, ale pracoŭny dzień u ich da 18-j hadziny.
Kamientary