Chaču pachvalicca. Siońnia zabiraŭ svoj depazit, hrošy lažali ŭ banku pad 480% hadavych. Dumajecie, takoje niemahčyma? Tolki nie ŭ Biełarusi!
Kali ŭ kancy śniežnia zdaryŭsia kryzis, ja jakraz paśpieŭ źniać rublovy depazit i kupić dalary. Faktyčna ŭ apošni vahon zaskočyŭ.
Paśla Jermakova prydumała svaju 30%-nuju kamisiju, ale aficyjny kurs-ta zastavaŭsia raniejšym! Tady ja vyrašyŭ pahulacca z bankami jašče raz. Zdaŭ dalary (tady ŭžo prymali amal pa 14 tysiač), a atrymanyja rubli panios u bank.
Adrazu niekalki bankaŭ tady prapanoŭvali ŭkłady, u jakich dachodnaść zaležyć ad vieličyni devalvacyi. Tam składanaja formuła, ale dla klijenta najvyhadniej było kłaści na minimalny termin.
U «Biełarusbanku», naprykład, na try miesiacy, a «Choum Kredyt Bank» tady jakraz prapanoŭvaŭ depazit na miesiac. Staŭka — vieličynia devalvacyi, pamnožanaja na 12, nu i jašče 6% źvierchu.
Ci ryzykavaŭ ja? Kaniečnie. Bo kali b Jermakova i kampanija marudzili, jak u 2011-m, aficyjny kurs moh by asabliva nie źmianicca. Ale Nacbank usio adno namiakaŭ, što źbirajecca admianiać valutnuju kamisiju.
U vyniku ryzyka apraŭdała siabie. Pakłaŭ 70 miljonaŭ rubloŭ — zabraŭ amal 100 miljonaŭ. 30 miljonaŭ čystaha navaru za miesiac!
Ciapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary