U pryznanyja «ekstremisckimi» telehram-čaty svajakoŭ asudžanych nieviadomyja pačali dadavać bot
U redakcyju pravaabarončaha resursu Mayday Team dasłali skryn z telehram-čata aršanskaj PK-8, dzie novy ŭdzielnik-bot Get My Id Bot|Get Myld pačaŭ vykonvać abaviazki administratara zamiest žyvoha čałavieka. Što stałasia z administrataram — nieviadoma.
Paśla kožnaha paviedamleńnia bot publikuje adnatypnyja paviedamleńni ź nibyta paznačeńniem ID karystalnika. Pa prośbie pravaabaroncaŭ svajaki, čyje rodnyja adbyvajuć termin u inšych kałonijach, udakładnili, što taki ž bot zaŭvažany jak minimum jašče ŭ dvuch čatach. Pierad jaho źjaŭleńniem u čaty dadavaŭsia novy karystalnik, jaki i zapuskaŭ bot.
Na hety momant, akramia čata žanočaj PK-4 u Homieli, praktyčna vydaliŭsia čat škłoŭskaj PK-17 i aršanskaj PK-8.
9 krasavika stała viadoma, što amal usie čaty i supołki kałonij i SIZA Biełarusi pryznali «ekstremisckimi farmavańniami».
U represiŭnym śpisie 10 telehram-čataŭ, 9 vajbier-čataŭ i 3 supołki Ukantakcie. U mnohich ź ich byli sotni ci navat tysiačy padpisčykaŭ. Naprykład, u adnoj tolki supołcy najbujniejšaj biełaruskaj kałonii — №2 u Babrujsku — było bolš za 3500 udzielnikaŭ.
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek
«Nie navodźcie paniku, my ŭsie sumlennyja ludzi». Svajaki źniavolenych nie vierać, što ich pryznali ŭdzielnikami «ekstremisckaha farmavańnia»
KDB pryznaŭ ekstremisckim farmavańniem «Biełaruskuju nacyjanalnuju kaalicyju», a zahinułaha Mikitu Kryŭcova nazvaŭ adnym ź jaje arhanizataraŭ
Ciapier čytajuć
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska4
Kamientary
Dadavać mohuć i karniki, typa "kab paśla nie kazali, što nie viedajecie ID".
I jašče jość varyjant, što bot robić bolš za toje, što napisana ŭ naźvie. Ale dakładna heta vyjavić pa skrynšotach niemahčyma. Moža, naprykład, pierapisvać novych udzielnikaŭ.