«Čarnobylski šlach» u hetym hodzie projdzie pad łozunham «Za niezaležnuju biaźjadziernuju Biełaruś»
Siońnia prajšło pasiadžeńnie arhanizacyjnaha kamiteta pa praviadzieńni akcyi «Čarnobylski šlach», prymierkavanaj da 40‑hodździa Čarnobylskaj katastrofy. U sustrečy ŭziali ŭdzieł pradstaŭniki Ofisa Śviatłany Cichanoŭskaj, ekałahičnych arhanizacyj i biełaruskaj dyjaspary, paviedamlaje jaje pres-słužba.
U hetym hodzie kampanija projdzie pad łozunham «Za niezaležnuju biaźjadziernuju Biełaruś».
Arhkamitet kaardynuje praviadzieńnie akcyj «Čarnobylski Šlach» pa ŭsim śviecie pry ŭdziele demakratyčnych siłaŭ, ekałahičnych arhanizacyj i biełaruskaj dyjaspary.
26 krasavika ŭ Vilni adbudziecca pamiatny zabieh «Čarnobylski Šlach», pryśviečany likvidataram nastupstvaŭ avaryi na Čarnobylskaj AES.
Simvaličnaj prabiežkaj udzielniki ŭšanujuć pamiać hierojaŭ ź Biełarusi, Ukrainy i Litvy — tych, chto tušyŭ pažary, pravodziŭ dezaktyvacyju terytoryj i budavaŭ sarkafah, achviarujučy svaim zdaroŭjem i žyćciom.
Siońnia taksama paviedamlałasia, što ŭ Varšavie padadzienaja zajaŭka na praviadzieńnie akcyi 26 krasavika.
Marš projdzie 26 krasavika a 14‑a hadzinie ad pomnika Kapiernika da pomnika Maryi Składoŭskaj-Kiury.
Kamientary