U adnoj ź viosak pad Minskam źjaviŭsia muziej darožnych znakaŭ. Ich tut niekalki, jość navat «piešachodny pierachod»
U tyktoku źjaviłasia cikavaje videa ź vioski Bieražok Vilejskaha rajona — miesca, jakoje nahadvaje «muziej darožnych znakaŭ» pad adkrytym niebam, piša Kraj.by.
Aŭtar videa, abjazdžajučy vuzkija viaskovyja vulicy, ździŭlajecca i pieraličvaje:
— Kolki tut znakaŭ! Abmiežavańnie chutkaści, zabarona ŭjezdu, «cehła», ruch zabaronieny, hałoŭnaja daroha, zvužeńnie. Parkavacca i spyniacca nielha — evakuacyja! I «višańka na torcie» — piešachodny pierachod. Voś takija spravy!
U kamientaryjach karystalniki žartujuć: «Moža, kinošniki zabylisia prybrać paśla zdymak — tam šmat scen zdymali». «Nie chapaje kamiery videafiksacyi!»
Taksama adznačajuć, što nie chapaje tolki infarmacyi pra zabaronu vykidu śmiećcia i znaka «pieraškoda».
Žurnalistka Kraj.by adpraviłasia ŭ Bieražok, kab pahladzieć na hetuju viosku, ale znakaŭ tam užo nie zastała.
Zastałasia tolki infarmacyja pra zabaronu vykidu śmiećcia i znak «pieraškoda».
Sama vioska nievialikaja, tam žyvie niekalki dziasiatkaŭ žycharoŭ, uletku pryjazdžajuć aharodniki. Taksama jość zona adpačynku.
Ciapier čytajuć
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja12
Kamientary