Biełarus pajechaŭ vajavać za Rasiju, padarvaŭsia na minie i zdaŭsia ŭ pałon. Ukrainski bajec nios jaho na śpinie 10 km
«Ja viedaju, što heta maja pamyłka. Tamu što daŭb**b, pryčym poŭny», — kamientuje Juryj Małaščycki svajo znachodžańnie ŭ rasijskim vojsku.
Juryj Małaščycki ź Biełarusi, jaki vajavaŭ na baku Rasii, trapiŭ u pałon da ŭkraincaŭ paśla taho, jak padarvaŭsia na minie.
U videa ŭkrainskaj 47‑j asobnaj miechanizavanaj bryhady «Mahura» jon raskazvaje, jak dobraachvotna trapiŭ na front. Spačatku ŭ rasijskim Uładzimiry try dni prachodziŭ kamisiju, paśla jaho adpravili ŭ Piaski na navučańnie na 20 dzion. Tam vučyŭsia na sapiora, paśla na apieratara BPŁA.
Na froncie Juryj doŭha nie pabyŭ.
«Ja razumieŭ, što sprava pahanaja. Vyrašyŭ zdacca ŭ pałon. Ja byŭ biez zbroi, biez broniekamizelki, tolki zaplečnik z praduktami charčavańnia i barsietka — tam byli čystyja škarpetki i trusy», — raskazvaje Juryj, jak vyrašyŭ uciačy.
Jon išoŭ praź les, kab drony nie zaŭvažyli jaho. A ŭnačy vyjšaŭ na darohu i padarvaŭsia na minie. Małaščycki pierabintavaŭ siabie i staŭ paŭźci, klikać na dapamohu. Adhuknulisia dvoje ŭkraincaŭ, spytali, ź jakoha jon padraździaleńnia. Małaščycki skazaŭ, što choča zdacca. Jamu pierabintavali ranu na nazie i nakłali turnikiet.
A paśla ŭkraincy nieśli jaho 10 km na śpinie praź minnaje pole.
«Jon kolki razoŭ kazaŭ «Kidajcie mianie», a my: «Nie, my ciabie dastavim». Ja jaho daciahnuŭ tolki dla taho, kab abmianiać jaho na našych chłopcaŭ. Adno žyćcio ja vyratavaŭ», — kaža ŭkrainski bajec z pazyŭnym Luć z 47‑j AMBr «Mahura».
«Ja viedaju, što heta maja pamyłka. Tamu što daŭb**b, pryčym poŭny», — kamientuje Małaščycki svajo znachodžańnie ŭ rasijskim vojsku.
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami36
Kamientary