Va ŭradzie zahavaryli pra viartańnie da ŭnutranych avijarejsaŭ
U Biełarusi razhladajuć mahčymaść adnaŭleńnia ŭnutranych avijapieralotaŭ pamiž haradami. Pra heta paviedamiŭ pryznačany ŭčora vice-premjer Alaksandr Cierachaŭ, raskazvajučy pra svaje pryjarytety ŭ pracy.
Pavodle słoŭ čynoŭnika, varta raźvivać nie tolki mižnarodnyja rejsy, ale i ŭnutranaje avijazłučeńnie. Jon adznačyŭ, što ŭ saviecki čas takija pieraloty ŭžo isnavali i byli davoli papularnyja siarod ludziej, tamu ciapier jość sens viarnucca da hetaj idei.
Pakul havorka idzie tolki pra abmierkavańnie i mahčymyja płany, ale ŭłady ličać, što takija maršruty mahli b zacikavić žycharoŭ krainy, asabliva kali heta zrobić pieramiaščeńnie pamiž rehijonami chutčejšym i zručniejšym.
Akramia avijacyi, Cierachaŭ taksama źviarnuŭ uvahu na nieabchodnaść raźvićcia ŭ Biełarusi račnoha transpartu. Jon padkreśliŭ, što treba kompleksna padychodzić da transpartnaj sistemy krainy.
U cełym jaho płany zakranajuć nie tolki transpart: havorka idzie taksama pra budaŭnictva arendnaha žylla ŭ rehijonach, ramont i budaŭnictva daroh, uparadkavańnie dvaroŭ i pavyšeńnie jakaści žyllova-kamunalnych pasłuh.
Kamientary