Prezident ZŠA Donald Tramp zajaviŭ, što Iran parušyŭ režym spynieńnia ahniu, arhanizavaŭšy ataku bieśpiłotnikami na hruzavoje sudna ŭ Armuzskim pralivie.
Pa słovach amierykanskaha prezidenta, adzin z dronaŭ trapiŭ u pałubu bujnoha hruzavoha sudna, pryčyniŭšy paškodžańni. Pry hetym karabiel zmoh praciahnuć płavańnie, a jašče try bieśpiłotniki byli źbityja.
«Vidavočna, heta durnoje parušeńnie našaha pahadnieńnia ab spynieńni ahniu», — zajaviŭ Tramp.
25 červienia Brytanskaje ahienctva marskoj biaśpieki (UKMTO) paviedamiła, što hruzavoje sudna ŭ Armuzskim pralivie było paškodžana nieviadomym snaradam, jaki trapiŭ u pravy bort. Paciarpiełych u vyniku incydentu nie było.
Paśla hetaha hienieralny sakratar Mižnarodnaj marskoj arhanizacyi AAN Arsienia Daminhies abviaściŭ pra časovaje prypynieńnie apieracyi pa evakuacyi kala 600 sudnaŭ i 11 tysiač marakoŭ, jakija znachodziacca ŭ rajonie Piersidskaha zaliva.
Niahledziačy na dziejny režym spynieńnia ahniu, situacyja ŭ rehijonie zastajecca napružanaj. Armuzski praliŭ maje klučavoje značeńnie dla suśvietnaha handlu, bo praź jaho štodnia prachodzić značnaja častka pastavak nafty, zvadkavanaha pryrodnaha hazu i inšych stratehičnych hruzaŭ.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ34
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary