U sacsietkach paviedamili pra śmierć akciora narodnaha teatra, byłoha aktyvista Tavarystva biełaruskaj movy i Biełaruskaha Narodnaha Frontu, siabra kłuba «Spadčyna» Ivana Antaniuka. Jamu było 96 hadoŭ.
Ivan Antaniuk naradziŭsia 3 studzienia 1930 hoda ŭ vioscy Černi Bresckaha rajona ŭ siamji sielanina-chutaranina.
U 1953 hodzie skončyŭ Tamboŭskaje avijacyjnaje radyjotechničnaje vučylišča. Paśla byŭ instruktaram praktyčnaha navučańnia hetaha vučylišča, słužyŭ u vojskach supraćpavietranaj abarony. Demabilizavaŭsia ŭ 1977 hodzie ŭ zvańni majora.
Paśla demabilizacyi pryjechaŭ u Minsk i pracavaŭ na zavodzie vyličalnaj techniki. Anačasova skončyŭ akciorskuju studyju i atrymaŭ zvańnie «Artyst narodnaha teatra». Pracavaŭ u Narodnym teatry «Na Doŭhim Brodzie» (na bazie Pałaca kultury traktarnaha zavoda). Syhraŭ bolš za 30 rolaŭ, byŭ łaŭreatam sajuznych, abłasnych, respublikanskich konkursaŭ narodnych teatraŭ.
Z kanca 1980‑ch byŭ aktyŭnym udzielnik biełaruskaha nacyjanalnaha Adradžeńnia. Byŭ siabram Biełaruskaha Narodnaha Frontu, Tavarystva biełaruskaj škoły i Tavarystva Biełaruskaj movy imia Francyska Skaryny, kłuba «Spadčyna». Źjaŭlaŭsia sakratarom Kastryčnickaj supołki TBM horada Minska. Zaniesieny ŭ Knihu honaru «Rupliŭcy tvaje, Biełaruś».
Udzielničaŭ u spravie adradžeńnia ŭ Biełarusi Hreka-katalickaj carkvy, byŭ staršynioj carkoŭnaj rady parafii Maci Božaj Niastomnaj Dapamohi ź pieršych dzion jaje isnavańnia. Za ŭniosak u duchoŭnaje adradžeńnie mieŭ uznaharody ad carkoŭnych uładaŭ i kaštoŭny padarunak ad imia Papy Jana Paŭła II.
Panichida pa Ivanie Antaniuku projdzie ŭ sieradu, 1 lipienia, pa adrasie Śniežny zavułak, 7.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary