Sarvała dach? U Biełarusi pradajuć kabryjalet Mercedes 1995 hoda amal za $50 tysiač
Lehiendarny 124‑y ŭ kuzavie kabryjalet vystavili na prodaž u Minsku.
Aŭtamabil 1995 hoda vypusku. Za hety čas jon prajechaŭ 144 tysiačy kiłamietraŭ (vierym?), pad kapotam u jaho bienzinavy ruchavik abjomam 3,2 litra.
Niahledziačy na hady, aŭtamabil vyhladaje dahledžanym i nie maje śladoŭ karozii. Šery skurany sałon taksama zachavaŭsia ŭ davoli dobrym aryhinalnym stanie. A voś rul, pa ŭsioj bačnaści, pieraciahnuty ŭ skuru nanova.
Hety bieły kabryjalet pradaviec acaniŭ u 47 tysiač dalaraŭ.
Ci sapraŭdy hety «Mersedes» taki kaštoŭny?
Samaje kaštoŭnaje ŭ hetym aŭto — heta adkidny dach, bo sam pa sabie 124‑y «Mers» — mašyna vielmi papularnaja i, pieražyŭšy niekalki restajlinhaŭ, vypuskałasia krychu bolš za 20 hadoŭ.
U astatnim hety kabryjalet — šarahovaje aŭto, navat niahledziačy na 3,2‑litrovy ruchavik pad kapotam.
Reč u tym, što heta byŭ «Mers», vyrableny dla amierykanskaha rynku, a tam, u adroźnieńnie ad Jeŭropy, mašyny z 2,2—2,3‑litrovym ruchavikom navat nie pradavalisia, bo amierykancy lubiać mahutnyja aŭto ź vialikim abjomam.
Dyj prabieh amal 150 tysiač kiłamietraŭ — heta ŭžo nie tak i mała, kab ličyć mašynu nadzvyčaj kaštoŭnaj.
Cikava, što ŭ Biełaruś hety kabryjalet trapiŭ tolki sioleta. Data mytnaha afarmleńnia — 1 studzienia 2026 hoda.
Kolki jon kaštavaŭ pradaŭcu?
Da hetaha mašyna jeździła ŭ Kalifornii, dzie vosieńniu minułaha hoda jaje pradali na aŭkcyjonie za $7150, što razam sa zborami aŭkcyjonu składaje kala $8300.
Aŭtamabil pradavaŭsia bieź vizualnych paškodžańniaŭ, tamu, napeŭna, mieŭ niejkija miechaničnyja pałomki.
Padlik vydatkaŭ na sajcie adnoj z papularnych kampanij, jakaja zajmajecca dapamohaj u kupli i dastaŭcy aŭto z ZŠA ŭ Biełaruś, pakazvaje, što z ulikam usich vydatkaŭ i razmytnioŭki na lhotnika hety 124‑y kabryjalet pryjechaŭ u Biełaruś za $23300, kali jaho dastaŭlali praz Kłajpiedu, abo za $24900, kali praz Hruziju.
Kolki ŭłaśnik ukłaŭ u ramont aŭto i daviadzieńnie jaho da tavarnaha vyhladu — nieviadoma. Ale z ulikam taho, što heta nie niejki nadzvyčaj redki aŭtamabil, to heta dakładna nie dziasiatki tysiač dalaraŭ.
«Aŭto dla dušy»
U kamientarach miarkujuć, što raźlik tut idzie pierš za ŭsio na klijentaŭ z Rasii.
Ciapierašni ŭłaśnik, jak bačym, mašynaj amal nie karystaŭsia, bo, miarkujučy pa prabiehu na fota ŭ Biełarusi, mašyna prajechała ŭsiaho kala 150 km.
Sam ža pradaviec apisvaje hety kabryjalet jak aŭto dla dušy.
Ciapier čytajuć
Syna ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami1
Syna ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary