Na Minskim mory paniziŭsia ŭzrovień vady i źmianiłasia bierahavaja linija. Što tam adbyvajecca?
Na Zasłaŭskim vadaschoviščy, ci Minskim mory, idzie maštabnaja rekanstrukcyja hidratechničnaha kompleksu — u pieršuju čarhu vodaskidu, płaciny i budynka HES «Hanales», piša «Anłajnier».

Mienavita z-za hetych rabot u niekatorych miescach źmianiŭsia vyhlad bierahavoj linii: źjavilisia nasypy, «kosy» i časova panižany ŭzrovień vady. Ale całkam vadaschovišča nie asušajuć — havorka idzie pra paetapny ramont, kab minimizavać upłyŭ na zonu adpačynku.

Raboty pačalisia paśla praciahłaj padrychtoŭki: jašče z 2016 hoda išło prajektavańnie i abśledavańnie hidrasistemy. Padčas pravierak vyjavili prablemy ź bietonnymi kanstrukcyjami, bierahavymi ŭmacavańniami i drenažnaj sistemaj. U 2024 hodzie navat časova panižali ŭzrovień vady, kab pravieści častku techničnych rabot.

Ciapier idzie adzin z klučavych etapaŭ — budaŭnictva časovaj damby. Jaje daŭžynia pavinna skłaści kala 830 mietraŭ, a vyšynia — da 12 mietraŭ. Raboty viaducca paetapna, paralelna praciahvaje pracavać HES.

Taksama z-za budaŭničaj techniki pierakryli adzin z padychodaŭ da vady z boku čyhunačnaj stancyi. Heta zroblena ź mierkavańniaŭ biaśpieki, bo tam ruchajecca technika.
Ułady zajaŭlajuć, što častku zakrytych učastkaŭ płanujuć adkryć da leta, ale časovyja abmiežavańni mohuć viartacca, kali hetaha zapatrabujuć budaŭničyja raboty.
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec
Kamientary