Pieršy namieśnik ministra suviazi i infarmatyzacyi Pavieł Tkač prakamientavaŭ situacyju nakont bieźlimitnaha internetu ŭ mabilnych apierataraŭ, piša Biełta.
«Jany [mabilnyja taryfy ź bieźlimitnym internetam] i ciapier nie admienieny. U adpaviednaści z pastanovaj Minsuviazi №38 ad 22 śniežnia 2025 hoda na bieźlimitnych taryfnych płanach jość 30 HB na nieabmiežavanaj chutkaści. Dalej abmiažoŭvajecca tolki chutkaść, ale nie abjom trafiku», — adznačyŭ Pavieł Tkač.
Pavodle jaho słoŭ, asnoŭnaj pryčynaj abmiežavańniaŭ vystupaje dysbałans nahruzki na sietku.
«Asabliva ŭ viačerni čas, kali ludzi aktyŭna pačynajuć hladzieć sacyjalnyja sietki. U hety čas časta adbyvałasia nie zusim metavaje vykarystańnie sotavaj suviazi. Tamu što byli takija vypadki ŭ praktycy, kali čałaviek kuplaje adnu SIM-kartu i pačynaje razdavać internet dla ŭsich piaci členaŭ siamji i na try vialikija televizary. Vidavočna, što pry hetym pakutujuć inšyja karystalniki internetu. My pieršapačatkova nie prajektavali sietki sotavaj suviazi dla prahladu 4K-kantentu adrazu na troch pryładach. Tamu takija abmiežavańni — heta elemient niejkaha strymlivańnia», — zajaviŭ namieśnik ministra.
Taksama jon dadaŭ, što ŭ dalejšym pry pavieličeńni jomistaści sietki hetuju pastanovu płanujecca mianiać, «limit spažyvańnia budzie pavialičany».
Ź lutaha ŭ Biełarusi źjaviliasia abmiežavańnie chutkaści internetu na taryfnych płanach ź bieźlimitnym trafikam.
-
Polskaja daślednica biełaruskaj identyčnaści maryć pra pomnik «kułaku» ŭ Minsku i čakaje, kali Biełaruś znoŭ adkryjecca śvietu
-
Biełarus, jaki adsiadzieŭ u Tambovie, zavis miž niebam i ziamloj — Rasija choča departavać, a Biełaruś pytajecca: chto heta?
-
Mama studentki-vydatnicy raskazała pra vydatki na vypuskny
Kamientary