Biełarusam stanie składaniej uładkavacca kiroŭcam busa ŭ Jeŭrasajuzie, dyj samich prapanoŭ stanie mienš. Voś u čym prablema

Novaja realnaść dla jeŭrapiejskich pieravozčykaŭ

Z 1 lipienia 2026 hoda ŭ Jeŭrasajuzie pačynajuć dziejničać novyja praviły mabilnaści, jakija rehulujuć pracu kiroŭcaŭ.

Asnoŭnyja źmieny tyčacca transpartnych srodkaŭ z dazvolenaj maksimalnaj vahoj da 3,5 tony (busy pad katehoryju V).

Pavodle novych normaŭ, ciapier amal va ŭsich vypadkach mikraaŭtobusy z ahulnaj vahoj bolš za 2,5 tony musiać być abstalavanyja sučasnym intelektualnym tachohrafam druhoha pakaleńnia.

Dla taho, kab im karystacca, kiroŭca musić mieć nie tolki pravy katehoryi V, ale i admysłovuju «čyp-kartku kiroŭcy».

Tamu ciapier biełarusam, jak i inšym achvotnym uładkavacca na bus u Jeŭrasajuzie, daviadziecca spačatku zrabić hetuju kartu, bo bieź jaje pracavać zabaroniena.

Jak zrabić čyp-kartku?

Pierad tym, jak padać zajaŭku na atrymańnie karty kiroŭcy, jakaja dazvolić pracavać, zajaŭnik musić prajści miedycynskuju kamisiju i zdać psichatesty.

Naprykład, u Polščy padać zajaŭku na atrymańnie čyp-kartki možna jak anłajn, tak i praz zvyčajnuju poštu. Zajavy, dasłanyja elektronnym čynam, razhladajuć siem pracoŭnych dzion, a dasłanyja ŭ papiarovym vyhladzie — da 30 dzion.

Kartka płatnaja, kaštuje 172,2 złotaha (kala 40 jeŭra).

Pry hetym prachodzić śpiecyjalnaje navučańnie i atrymlivać dadatkovyja siertyfikaty dla kiroŭcaŭ katehoryi V nie treba. Ale advieści niejki čas na prahlad videa ź instrukcyjami pa vykarystańni tachohrafa daviadziecca.

Taksama treba dakładna vyvučyć režym pracy i adpačynku, kab nie parušyć praviły i nie atrymać štraf.

Pavialičyć

Što jašče pryniasie z saboj novy pakiet mabilnaści?

Aproč taho, što pracaŭładkavańnie stanie krychu bolš składanym i praciahłym pa terminie, u kiroŭcaŭ całkam źmienicca režym pracy. Ciapier jany buduć pracavać pa tym ža raskładzie, što i kiroŭcy hruzavikoŭ katehoryi S/SIE.

Raniej na busach pad katehoryju V najaŭnaść tachohrafa była nieabaviazkovaj. Ale ŭ niekatorych krainach, jak, naprykład, u Hiermanii, treba było vieści papiarovy ŭlik pracy i adpačynku. I pakolki papiery možna było pierapisvać nanova, to kiroŭcy busaŭ vielmi časta mieli vialikija pierapracoŭki.

U častcy krain ES navat papiarovyja tachohrafy vieści nie patrabavali, tamu pierapracoŭka dla kiroŭcaŭ busaŭ katehoryi V była zvykłaj spravaj.

Mienavita praz heta rehulatar i źniziŭ płanku z 3,5 da 2,5 tony, kali možna pracavać biez tachohrafa.

Pierśpiektyŭ z katehoryjaj V budzie mienš

Ź inšaha boku, heta pryvodzić da taho, što samoj pracy na busach stała mienš, bo častka transpartnych kampanij admoviłasia ad takoha farmatu pieravozak ci prynamsi skaraciła kolkaść takich mašyn u parku, addaŭšy pieravahu busam i hruzavikam pad katehoryju S.

Tamu znajści pracu na busie, majučy tolki V katehoryju, stanie składaniej.

Pavialičyć

Vychad jość?

Ale nie ŭsie hatovyja admaŭlacca ad pieravozak bieź pierapracovak. Na jeŭrapiejskim rynku aktyŭna prasoŭvajuć nievialikija hruzavički z ahulnaj dapuščalnaj vahoj da 2,5 tony.

Taki transpartny srodak nie vymahaje ŭstalavańnia tachohrafa, tamu na im, jak i raniej, možna dastaŭlać hruzy, nie azirajučysia na režym pracy i adpačynku.

Niahledziačy na ahulnuju dapuščalnuju vahu 2490 kiłahramaŭ, niekatoryja takija hruzavički majuć vialiki hruzavy adsiek na 5 jeŭrapalet i hruzapadjomnaść kala 900 kiłahramaŭ.

Pavialičyć

Zrazumieła, što zachavać takuju davoli vysokuju hruzapadjomnaść atrymałasia za košt skaračeńnia vahi samoha mikraaŭtobusa. Tamu kabina ŭ Piaggio Porter NP6 ciesnaja, jak u małalitražcy.

Dy i spalny adsiek taksama. A kab bolš-mienš rosłamu kiroŭcu nie davodziłasia zhinać nohi ŭ kalenkach, u spalniku navat praduhledžany adkidny adsiek dla noh.

Jak stać kiroŭcam fury ŭ Jeŭropie i kolki heta kaštuje, my pisali raniej. 

• 0
• 0
• 0
• 0
• 0
• 0
• 0
• 0