Zasnavalnik Microsoft Bił Hiejts padčas zakrytych słuchańniaŭ u Kanhresie ZŠA pa spravie Džefry Epštejna paćvierdziŭ, što ŭ minułym mieŭ pazašlubnyja adnosiny ź dźviuma žančynami z Rasii — hulcom u brydž Miłaj Antonavaj i fizikam-jadzierščycaj Karymaj Nihmatulinaj, piša The Times.
Advakaty miljardera damahlisia, kab słuchańni, jakija prajšli jašče 10 červienia, adbyvalisia ŭ zakrytym režymie. Adnak na hetym tydni kamitet apublikavaŭ stenahramu jaho pakazańniaŭ.
Zhodna z apublikavanym tekstam, Bił Hiejts udakładniŭ, što na momant ramana adnoj z žančyn było ad 20 da 30 hadoŭ, a druhoj — ad 30 da 40 hadoŭ.
Hiejts paviedamiŭ, što padčas ich znajomstva Karyma Nihmatulina była źviazanaja z kampanijaj TerraPower, u jakuju jon inviestavaŭ. Jon taksama zajaviŭ, što nie abmiarkoŭvaŭ ź joj Epštejna i ničoha nie viedaje pra mahčymyja kantakty pamiž imi.
Karyma Nihmatulina — dačka viadomaha rasijskaha navukoŭca Robierta Nihmatulina. Jana atrymała adukacyju ŭ Prynstanskim univiersitecie i Masačusieckim technałahičnym instytucie, pracavała ŭ ZŠA, a paźniej viarnułasia ŭ Rasiju i stała prafiesarkaj Rasijskaj akademii navuk.
Padčas słuchańniaŭ Hiejts taksama raskazaŭ, što Epštejn, mahčyma, viedaŭ pra jaho pazašlubnyja suviazi i moh razhladać mahčymaść šantažu. Sam Hiejts śćviardžaje, što šantažu nie było, ale z elektronnaj pierapiski vynikała, što Epštejn cikaviŭsia hetaj temaj.
Asobna abmiarkoŭvalisia čarnaviki listoŭ, u jakich śćviardžałasia, što Hiejts nibyta aścierahaŭsia zaražeńnia vienieryčnaj chvarobaj ad adnoj sa svaich znajomych i šukaŭ sposab lačyć byłuju žonku Mielindu Frenč Hiejts bieź jaje viedama. Hiejts adchiliŭ hetyja śćviardžeńni i zajaviŭ, što nikoli nie chvareŭ na infiekcyi, jakija pieradajucca pałavym šlacham, i nie davaŭ nikomu leki tajemna.
Taksama jon pryznaŭ jašče adzin pazašlubny raman — z doktaram miedycynskich navuk Elis Džejkabs Niesielrod. Pavodle jaho słoŭ, hetyja adnosiny zaviaršylisia jašče da znajomstva z Epštejnam.
Akramia taho, Hiejts paviedamiŭ, što sustrakaŭsia z Epštejnam prykładna 12—14 razoŭ u pieryjad z 2010 pa 2014 hod i dvojčy razmaŭlaŭ ź im praz Skype. Pry hetym jon adznačyŭ, što nie vyklučaje, što moh apynucca ŭ adnoj kampanii ź ludźmi, jakija paźniej byli pryznanyja achviarami Epštejna, chacia raniej admaŭlaŭ takuju mahčymaść.
Samomu Biłu Hiejtsu abvinavačańni ŭ sieksualnym hvałcie abo ŭdziele ŭ złačynstvach Epštejna nie vystaŭlalisia.
Bił Hiejts daść pakazańni Kanhresu ZŠA pra suviazi z Epštejnam
Bił Hiejts pryznaŭsia ŭ šlubnych zdradach z rasijankami i ŭ tym, što Epštejn jaho hetym šantažavaŭ
Bił Hiejts škaduje pra kožnuju chvilinu, praviedzienuju z Džefry Epštejnam
Byłaja žonka Biła Hiejtsa vykazałasia nakont jaho kantaktaŭ z Epštejnam
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary