Biełaruski pradprymalnik raspracavaŭ biaspłatnyja mabilny i veb-dadatak «Kabinka», jakija dapamahajuć znachodzić hramadskija prybiralni ŭ Minsku. Servis dastupny na iOS, Android, u veb-viersii, a taksama praz telehram-bota, piša Onliner.by.
U dadatku karystalniki mohuć ubačyć raźmiaščeńnie bližejšych prybiralniaŭ, fotazdymki i apisańnie zručnaściaŭ. Dla tych, chto drenna aryjentujecca ŭ horadzie, praduhledžany režym kompasa, a turysty mohuć karystacca kartaj navat biez dostupu da internetu.
Pavodle słoŭ stvaralnika prajekta Jaŭhiena Šapašnikava, ideja ŭźnikła z asabistaha dośviedu i nazirańniaŭ za navakolnymi.
— Nasamreč u mianie było try pryčyny. Pieršaja źviazana z maimi baćkami, jakija zaŭsiody hulali niedaloka ad doma i bajalisia adychodzić dalej. Ja kazaŭ im: idzicie ŭ park, prahulajciesia. Ale akazałasia, što jany prosta nie viedajuć, dzie znachodziacca prybiralni, i tamu nie chočuć daloka adychodzić. Potym siabry raskazali, što ŭ ich baćkoŭ takaja ž prablema, — padzialiŭsia jon.
Druhoj pryčynaj dla stvareńnia servisu stali masavyja mierapryjemstvy i napłyŭ turystaŭ.
— Padčas dziaržaŭnych śviat u horad pryjazdžaje šmat ludziej z rehijonaŭ. Časta možna ŭbačyć, što zaniaty ŭsie kusty, choć ludzi prosta nie viedajuć, što za 200—300 mietraŭ ad ich jość prybiralnia, — adznačyŭ raspracoŭščyk.
Treciaja pryčyna akazałasia źviazanaj ź jaho ŭłasnymi zvyčkami.
— Ja starajusia prachodzić pa 20 tysiač krokaŭ za dzień i pju kavu litrami, tamu dla mianie samoha hetaja prablema vielmi aktualnaja, — skazaŭ Šapašnikaŭ.
Raspracoŭščyk spadziajecca, što dadatak dapamoža źnizić kolkaść kanfliktaŭ pamiž naviedvalnikami i ŭstanovami. Uładalniki kaviarniaŭ, restaranaŭ i inšych abjektaŭ mohuć samastojna dadavać infarmacyju pra svaje prybiralni i paznačać, ci dastupnyja jany tolki dla klijentaŭ, ci adkryty dla ŭsich achvotnych.
Jaŭhien raskazvaje, što na samu raspracoŭku dadatku spatrebiŭsia ŭsiaho tydzień. Techničnaja častka prajekta była stvorana z dapamohaj niejrasietak i instrumientaŭ tak zvanaha «vajb-kodynhu». Pry hetym značna bolš času zaniało napaŭnieńnie bazy danych.
— Kala miesiaca ja asabista abychodziŭ horad i źbiraŭ infarmacyju prykładna pra 300 prybiralniaŭ. Fiksavaŭ infrastrukturu, najaŭnaść dostupu dla ludziej ź invalidnaściami i druhimi asablivaściami
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie2
Kamientary
Na pierśpiektyvu lepš dapoŭnić słoj tualetaŭ na OSM (nie na rasiejskim Jandeksie). A šukać i pakazvać možna ŭžo ŭ inšych prahramach i sajtach na vybar karystalnika.