Kala Kurhana Słavy adkryli kaviarniu ŭ styli epochi zastoju FOTY
Kala Kurhana Słavy ŭ Smalavickim rajonie paśla maštabnaj rekanstrukcyi adkryłasia kaviarnia «La Kurhana», aformlenaja ŭ styli 1960—1970‑ch hadoŭ. Adkryćcio prymierkavali da 60‑hodździa pačatku budaŭnictva miemaryjalnaha kompleksu, paviedamlaje «Minskaja praŭda».
Raniejšaja kaviarnia tut była nievialikaj i sastarełaj, tamu ŭ kastryčniku 2025 hoda pačałasia jaje madernizacyja. Płanavałasia zaviaršyć raboty da kanca lipienia 2026 hoda, ale budaŭniki spravilisia raniej. Pieršyja naviedvalniki zmahli acanić abnoŭleny abjekt užo 25 červienia.
Ciapier kaviarnia moža adnačasova pryniać da 120 čałaviek. Unutry raźmieščanyja prastornaja abiedziennaja zała, bankietnaja zała dla aficyjnych sustreč, barnaja zona i adkrytaja terasa. Ahulnaja płošča budynka składaje kala 500 kvadratnych mietraŭ. Vialikija panaramnyja vokny adkryvajuć vid na miemaryjał.
Asnoŭnaja ideja prajekta — pieranieści haściej u atmaśfieru času, kali stvaraŭsia sam Kurhan Słavy. U interjery vykarystanyja mebla i śviacilni ŭ styli savieckich 1970‑ch hadoŭ. Hałoŭnym elemientam azdableńnia stała vaśmimietrovaja mazaika z vyjavaj ordena Ajčynnaj vajny, padobnaha da taho, što znachodzicca ŭ padnožžy miemaryjała.
Ścieny ŭpryhožvajuć karciny, pryśviečanyja historyi Kurhana Słavy. Na ich adlustravanaje budaŭnictva miemaryjała, jaho adkryćcio, a taksama vizity viadomych haściej, siarod jakich kubinski kamunistyčny lidar Fidel Kastra, mastak Michaił Savicki, kiraŭniki Biełarusi, Rasii i Ukrainy.
Asobna ŭspaminajecca historyja pra vizit Kastra, jaki paśla padjomu na viaršyniu kurhana pad daždžom spuściŭsia nie pa leśvicy, a prosta pa stromkim schile.
Mieniu taksama vytrymana ŭ savieckaj stylistycy. Naviedvalnikam prapanujuć sałatu «Ministerskaja», saviecki varyjant «Aliŭje», katletu «Saŭminaŭskaja» i desiert «Ciopły ŭspamin».
Ceny zastajucca dastupnymi: bolšaść haračych straŭ kaštujuć ad 10 da 20 rubloŭ, a firmovyja stravy — kala 30 rubloŭ.
Dla stvareńnia poŭnaj atmaśfiery epochi ŭ adpaviednym styli aformili navat formu aficyjantaŭ i muzyčnaje supravadžeńnie.
Kaviarnia «La Kurhana» budzie pracavać štodnia z 10:00 da 22:00, za vyklučeńniem paniadziełka.
Zakryvajecca adna ź minskich kaviarniaŭ sietki «Zierno»
Rasijanka nie zmahła raspłacicca rasijskaj kartaj u minskaj kaviarni. U vyniku za jaje zapłacili minčuki
«Źjavilisia šancy na vyratavańnie». Piakarnia LJoN, jakaja abviaściła pra zakryćcio, pakul praciahnie pracu
Ci pavinny kaviarni i restarany biaspłatna nalivać naviedvalnikam vadu?
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury6
Kamientary
Voś heta kultura tak zvanaj "Biełoj Rusi", dzie žyvuć pravasłaŭnyja ateisty - ruskija sa znakam jakaści. Jany siabie adčuvali vydatna i kali za Łuku hałasavali ŭ 94-m, i ciapier taksama.
Heta ichniaja kraina. A vy, biełaruskamoŭnyja/kataliki/śviadomyja/apazicyjaniery - čužyja.
Idzie etnična-palityčnaja hramadzianskaja vajna.