Vyznačyłasia pieršaja para, što zhulaje pamiž saboj u płej-of na mundyjali
1/16 finału čempijanatu śvietu ŭ niadzielu adkryjecca matčam Paŭdniova-Afrykanskaj Respubliki i Kanady.
Matč pačniecca a 22‑j hadzinie pa biełaruskim časie ŭ niadzielu i projdzie ŭ Inhłvudzie pad Łos-Andželesam.
Zhodna z turnirnaj raskładkaj, kamanda, što zaniała druhoje miesca ŭ hrupie A, hulaje sa zbornaj, što finišavała na druhim miescy ŭ hrupie V. Heta akurat zbornyja PAR i Kanady.
U paniadziełak, 29 červienia, na mundyjali — try matčy 1/16 finału.
A 20‑j pa biełaruskim časie zhulajuć Brazilija i zbornaja, što finišuje na druhim miescy ŭ hrupie F, dzie hulajuć kamandy Niderłandaŭ, Japonii, Šviecyi i Tunisa.
U 23:30 zhulajuć Hiermanija i niejkaja z kamandaŭ, što zojmie treciaje miesca ŭ adnoj z hrup.
U noč na treciuju aŭtorka Maroka zhulaje ź pieramožcam zhadanaj hrupy F, napeŭna, heta buduć Niderłandy.
Upieršyniu płej-of čempijanatu śvietu pačynacca z 1/16 finału. Z 1986 hoda startavaŭ z 1/8 finału, a pierad hetym byli dva hrupavyja etapy.
Matčy 1/16 finału praciahnucca da 3 lipienia, potym da 7 lipienia — 1/8 finału. Finał u niadzielu 19 lipienia.
Siońnia na mundyjali a 23‑j hulni Kiurasaa — Kot dJIvuar i Ekvador — Hiermanija.
Zaŭtra nočču: Japonija — Šviecyja, Tunis — Niderłandy, a taksama Aŭstralija — Parahvaj, ZŠA — Turcyja. ZŠA vyjšli ŭ płej-of, Tunis i Turcyja stracili ŭsie šancy.
Kamientary