U Homieli padčas bojki chłopcu mylicaj złamali nos. Šram na tvary budzie ŭsio žyćcio
Napadnik byŭ paśla składanaj apieracyi i ćviarozy. Ciapier jamu pahražaje da 8 hadoŭ źniavoleńnia.
Pamiž dźviuma kampanijami, jakija adpačyvali ŭ adnoj z homielskich kaviarań, adbyłasia sutyčka, jakaja dla 22‑hadovaha chłopca skončyłasia śledam na tvary na ŭsio žyćcio. Padrabiaznaści vydańniu «Biełka» paviedamili ŭ haradskoj prakuratury.
Maładyja ludzi zasiadzielisia ŭ ustanovie dapazna i pieryjadyčna vychodzili na vulicu pakuryć. Padčas čarhovaha takoha vychadu i zaviazałasia bojka.
Adzin z udzielnikaŭ kanfliktu byŭ na mylicach paśla składanaha pierałomu i apieracyi. Darečy, jon nie ŭžyvaŭ ałkahol, bo prymaŭ antybijotyki. Adnak heta nie pieraškodziła 32‑hadovamu mužčynie puścić u chod svaju mylicu i ŭdaryć joj surazmoŭcu pa tvary. Ad udaru chłopiec straciŭ raŭnavahu, upaŭ i nastupnyja padziei pamiataŭ užo drenna. Paciarpiełaha zabrała chutkaja dapamoha, siarod inšaha ŭ jaho dyjahnastavali pierałom nosa.
Pierałom z časam zrośsia, ale ŭdar mylicaj pakinuŭ na tvary maładoha čałavieka niepapraŭny śled. Miedycynskaja ekśpiertyza paćvierdziła, što hety defiekt źniešnaści całkam užo nie źniknie, akramia taho, paciarpiełamu ciapier ciažka dychać.
32‑hadovaha mužčynu buduć sudzić za naŭmysnaje pryčynieńnie ciažkaha paškodžańniai. Jamu pahražaje da 8 hadoŭ pazbaŭleńnia voli.
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary