Minzdaroŭja prainfarmavała pra stan paciarpiełych u Branskaj vobłaści
«Usie dzieci pačuvajucca zdavalniajuča».
Ministerstva achovy zdaroŭja prainfarmavała pra siońniašni stan paciarpiełych u Branskaj vobłaści.
«Usie dzieci adčuvajuć siabie zdavalniajuča, pobač ź imi znachodziacca baćki. Stan darosłaha pacyjenta zastajecca stabilnym. Viadziecca płanavaja kliničnaja rabota, akazvajecca nieabchodnaja miedycynskaja dapamoha. Situacyja znachodzicca na kantroli Ministerstva achovy zdaroŭja», — havorycca ŭ paviedamleńni.
Nahadajem, što ŭ minułuju sieradu, 17 červienia, u Branskaj vobłaści byŭ paškodžany aŭtobus, jaki pieravoziŭ dziaciej z futbolnaj kamandy dziciača-junackaj spartyŭnaj škoły №2 horada Rečycy, a taksama navučencaŭ pryvatnaj tancavalnaj studyi. Jak śćviardžajuć rasijskija ŭłady, udar byŭ nibyta naniesieny ŭkrainskim bieśpiłotnikam. U vyniku zdareńnia zahinuła žančyna, jakaja supravadžała hrupu dziaciej i była žonkaj treniera kamandy. Jašče vosiem čałaviek, u tym liku šaściora dziaciej, atrymali traŭmy roznaj stupieni ciažkaści.
U minułyja čaćvier i piatnicu ŭsich paciarpiełych dastavili ŭ Biełaruś.
Brat biełaruskaj karalevy pryhažości trapiŭ u reanimacyju ŭ Azierbajdžanie4
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary