U krainie ŭviedziena nadzvyčajnaje stanovišča.
Uviečary ŭ sieradu na zachad ad stalicy Vieniesueły adbylisia dva mocnyja padziemnyja šturški mahnitudaj 7,2 i 7,5. U vyniku ŭ Karakasie abrynulisia budynki, a śpiecyjalisty prahnazujuć vialikuju kolkaść achviar, piša Bi-bi-si.
Pavodle danych Hieałahičnaj słužby ZŠA (USGS), druhi ziemletrus adbyŭsia mienš čym praz chvilinu paśla pieršaha.
«Vierahodnyja vialikija čałaviečyja straty i maštabnyja razbureńni, a katastrofa, chutčej za ŭsio, budzie nasić šyrokamaštabny charaktar», — zajavili ŭ USGS, adznačyŭšy, što, pavodle papiarednich acenak,
kolkaść zahinułych moža skłaści ad 10 tysiač da 100 tysiač čałaviek.
Ułady pakul nie pradstavili acenak kolkaści zahinułych i paciarpiełych.
«U Karakasie abrynulisia niekatoryja budynki», — zajaviŭ ministr unutranych spraŭ Vieniesueły Dyjasdada Kabiela ŭ efiry dziaržaŭnaha telebačańnia.
V.a. prezidenta Vieniesueły Dełsi Radryhies abviaściła pra ŭviadziennn režymu nadzvyčajnaha stanovišča. Taksama jana paviedamiła ab zakryćci mižnarodnaha aeraporta Karakasa z-za paškodžańniaŭ, atrymanych u vyniku ziemlatrusu.
Mnohija vieniesuelcy padčas ziemletrusu znachodzilisia doma.
U hety dzień kraina adznačała hadavinu Bitva pry Karaboba, kali armija Simona Balivara pieramahła ispanskija vojski i zabiaśpiečyła niezaležnaść Vieniesueły.
Mnohija žychary Karakas, jakija vybiehli na vulicy, uzhadvali papiaredniaje razburalnaje ziemletrasieńnie 1967 hoda. Tady najbolš paciarpieła stalica krainy. U dvuch rajonach horada — Pałas-Hrandes i Altamira — abrynulisia žyłyja damy. Usiaho tady zahinuła bolš za 200 čałaviek.
Dyjasdada Kabiela zhadaŭ mienavita hetyja dva rajony, kali havaryŭ pra razburanyja budynki. Pavodle jaho słoŭ, ziemletrasieńnie taksama adčuvałasia ŭ štatach Truchiljo, Jarakuj, Karaboba, Arahua, Miranda i Ła-Huajra.
80‑hadovaja piensijanierka Maryja Ramiera z paŭdniovaj častki Karakasa raskazała, što palicyja dapamahła joj vybracca z doma.
«Hety ziemlatrus byŭ žachlivym, navat horšym, čym u 1967 hodzie», — dadała jana.
Amierykanskaja sistema papiaredžańnia ab cunami vypuściła paviedamleńnie ab pahrozie cunami dla Puerta-Ryka i Amierykanskich i Brytanskich Virhinskich vyspaŭ paśla ziemlatrusu.
Taksama paviedamlałasia, što vysokaja chvala moža zakranuć astravy kala ŭźbiarežža Vieniesueły — Aruba, Kiurasaa i Banajre. Adnak prykładna praz hadzinu hetaje papiaredžańnie było admieniena.
Paśla ziemlatrusu ŭ Vieniesuele byŭ uviedzieny režym nadzvyčajnaha stanovišča.
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary