Paviedamleńnie z prapanovaj davać infarmacyju ŭzamien na mahčymaść naviedvać rodnych u Biełarusi pravaabaronca atrymaŭ u Instagram.
Viadomy pravaabaronca, adzin z kiraŭnikoŭ centra «Viasna» Uładzimir Łabkovič atrymaŭ prapanovu ab supracoŭnictvie ŭzamien na mahčymaść naviedvać rodnych u Biełarusi. Sa słoŭ Łabkoviča, adpaviednaje paviedamleńnie jamu pryjšło ŭviečary 9 sakavika ŭ pryvatnyja paviedamleńni ŭ Instagram.
«Zabłakavaŭ i pieradaŭ (infarmacyju ab paviedamleńni) kaleham u «Viasnu», — raskazvaje Radyjo Svaboda Uładzimir Łabkovič. — Na moj akaŭnt u Instagram heta pryjšło. Zabłakavaŭ hetaha adrasata i ŭsio. Skryn zrabiŭ. Siońnia publična ahučana heta było. U mianie nie było ni žadańnia, ni nastroju vieści niejkija pierapiski. Liču, što heta absalutna niapravilna».
Sa słoŭ Łabkoviča, pierad błakavańniem jon pahladzieŭ, kamu moža naležać akaŭnt, ź jakoha pryjšło paviedamleńnie. Na im nie było nijakaj aktyŭnaści, akaŭnt vyhladaje jak novastvorany.
Na ranicu 10 krasavika ŭ akaŭnta «Viktor Hrazovski» pa-raniejšamu nie było padpisčykaŭ i dopisaŭ. Instagram paznačaje jaho jak novastvorany.
«Ja nie pieršy z «Viasny», kamu prychodzić štości padobnaje, — praciahvaje Uładzimir Łabkovič. — Učora majoj kalezie Anastasii Vasilčuk pryjšło. Tam byŭ navat bolš aŭtarski list, tvorčy padychod, vypadak Mielnikavaj zhadvajecca. U maim vypadku heta realna spam-rassyłka, biez adrasnaha zvarotu da mianie jak da Uładzimira Łabkoviča. Prosta napisana, što jany ŭsio viedajuć — što ŭ mianie blizkija rodnyja ŭ Biełarusi, jakich ja chaču naviedać».
Jak juryst i pravaabaronca Uładzimir Łabkovič raić adrazu publikavać takija paviedamleńni, atrymanyja ad nieviadomych u pryvat.
«Na hetym taja historyja i skončycca adrazu, — kaža pravaabaronca. — My, hramadskija aktyvisty, chto praciahvaje dziejnaść za miažoj, z padobnym sutykajemsia ledź nie kožny dzień. Na ich treba reahavać adrazu, ahučvać i ni ŭ jakim razie nie ŭstupać ni ŭ jakija pierapiski».
Uładzimir Łabkovič — pravaabaronca, adzin z kiraŭnikoŭ centra «Viasna». Aryštavany ŭ lipieni 2021 hoda, asudžany na 7 hadoŭ pazbaŭleńnia voli. Vyzvaleny i prymusova vyviezieny ŭ Litvu ŭ vyniku pieramoŭ pamiž amierykanskimi dypłamatami i Alaksandram Łukašenkam u śniežni 2025 hoda.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ16
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1313
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj13
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»4444
Kamientary