U Litvie źbirajucca dakazać, što pareštki kniazia Vitaŭta lažać u krypcie Vilenskaj katedry
Historyk śćviardžaje, što jany lažali ŭ adnoj krypcie z pareštkami vialikaha kniazia Alaksandra Jahiełončyka i, chutčej za ŭsio, dahetul zastajucca tam.
Litoŭski daśledčyk Saŭlus Podzierys padčas pres-kanfierencyi ŭ Siejmie Litvy zajaviŭ, što pareštki vialikaha kniazia litoŭskaha Vitaŭta Vialikaha mahli być znojdzienyja jašče ŭ 1931 hodzie ŭ Vilenskim kafiedralnym sabory. Pavodle jaho viersii, jany znachodzilisia ŭ adnoj krypcie razam z pareštkami vialikaha kniazia Alaksandra Jahiełončyka i, chutčej za ŭsio, da hetaha času zastajucca tam, piša LRT.
Podzierys śćviardžaje, što jość kankretnaje miesca, dzie mohuć znachodzicca hetyja pareštki, ale dla praviadzieńnia daśledavańniaŭ patrebnyja palityčnaja vola i adpaviednyja dazvoły.
Jon taksama adznačyŭ, što paśla vialikaj pavodki ŭ 1931 hodzie ŭ sabory, vierahodna, byli znojdzienyja nie try, jak aficyjna paviedamlałasia, a čatyry karaleŭskija pachavańni: Alaksandra, Alžbiety Habsburh, Barbary Radzivił i Vitaŭta Vialikaha. Adnak polskija ŭłady, jakija kiravali ŭ Vilni ŭ toj čas, paviedamili tolki pra try, mahčyma, chavajučy infarmacyju pra čaćviortaje.
Hetaja viersija paćviardžajecca archiŭnymi dakumientami i starymi fotazdymkami, znojdzienymi ŭ polskim Hdańsku. Na adnych zdymkach vidać try nabory pareštkaŭ, na inšych — čatyry. Pavodle Podzierysa, na adnoj z fatahrafij moža być zafiksavany mienavita Vitaŭt.
Archieołah Hintaŭtas Rackiavičus miarkuje, što zdymki zroblenyja padčas antrapałahičnych daśledavańniaŭ, i taksama dapuskaje, što čaćviortyja pareštki mohuć naležać Vitaŭtu, ale padkreślivaje, što heta treba jašče dakazać.
Historyk Alvidas Nikžantajcis ličyć pradstaŭlenyja danyja surjoznymi, ale padkreślivaje, što jany patrabujuć pravierki. Jon prapanuje vykarystoŭvać DNK-analiz, kab ustanavić prynaležnaść pareštkaŭ. Dla hetaha možna paraŭnać ich z pareštkami pradstaŭnikoŭ dynastyi Hiedyminavičaŭ, jakija pachavanyja ŭ Kijeva-Piačerskaj łaŭry. Pa jaho słovach, ciapier źjaviłasia ŭnikalnaja mahčymaść atrymać takija ŭzory dziakujučy supracoŭnictvu z ukrainskimi daśledčykami.
Palityki taksama zaklikajuć nie adkidać hetuju viersiju i pačać daśledavańni, asabliva ŭličvajučy, što 2030 hod abvieščany hodam Vitaŭta Vialikaha. Jość navat papiarednija abiacańni pra finansavańnie, kali hipoteza atrymaje paćviardžeńnie.
U cełym daśledčyki ličać, što vierahodnaść znachodžańnia pareštkaŭ Vitaŭta ŭ kafiedralnym sabory vielmi vysokaja, ale kančatkovyja vysnovy možna budzie zrabić tolki paśla novych navukovych daśledavańniaŭ.
Pahonia, lićvinizm i mihracyja: jak litoŭcy bačać biełarusaŭ i Biełaruś
Hrodna apieradžała Vilniu. Byli časy, kali italjancy emihravali ŭ Biełaruś. Ich kroŭ ciače ŭ niekim z vas
Suvoraŭ — nie hieroj, a Muraŭjoŭ — viešalnik. Zyhar patłumačyŭ rasijanam historyju Biełarusi ad Rahvałoda da Kurapataŭ biez maskoŭskich mifaŭ
Tomas Viencłava: «Litva i Biełaruś nikoli nie varahavali. Heta redki vypadak dla adnosin dvuch narodaŭ»
Vyjšła kniha pra adzin z najvažniejšych skarbaŭ, znojdzienych u Biełarusi
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary
U nas by ŭ hetych kryptach prosta bulbu zachoŭvali.