Vyjšła kniha pra adzin z najvažniejšych skarbaŭ, znojdzienych u Biełarusi
U vydaviectvie «Enerhapres» vyjšła z druku kniha daśledčyka Juryja Barejšy «Pra skarb z-pad vioski Litva, pachodžańnie i votčynu Bratašyčaŭ-Zianovičaŭ», u jakoj apaviadajecca pra adzin z najvialikšych skarbaŭ Uschodniaj Jeŭropy, jaki byŭ znojdzieny nieprafiesijnymi archieołahami napačatku 1990‑ch hadoŭ kala vioski Litva pad Maładziečnam.
Napačatku 90‑ch kala vioski Litva ŭ Maładziečanskim rajonie nieprafiesijnyja archieołahi znajšli adzin z najvialikšych skarbaŭ Uschodniaj Jeŭropy. Jon byŭ razrabavany, vyratavać udałosia tolki častku — niekalki tysiač pražskich hrošaŭ, a samaje hałoŭnaje — «pojas Vitaŭta» (umoŭnaja nazva harnitura XIV abo p. XV st.). Dziakujučy prafiesaru Valancinu Rabceviču jany z pryvatnych ruk pierajšli ŭ Nacyjanalny histaryčny muziej, piša «De facto. Biełaruskaja navuka».
Admysłoviec u halinie numizmatyki VKŁ Juryj Barejša pravioŭ daśledavańnie ŭ knizie «Pra skarb z-pad vioski Litva, pachodžańnie i votčynu Bratašyčaŭ-Zianovičaŭ». Aŭtar rekanstrujuje skład skarbu, pierahladaje vykazanyja daśledčykami viersii jaho prynaležnaści (isnavała hipoteza, što «pojas» moh być padorany Vitaŭtu krymskim chanam Chadžy-Hirejem) i prapanoŭvaje novuju atrybucyju skarbaŭ u sudakranańni z rańniaj historyjaj rodu Bratašyčaŭ-Zianovičaŭ.
-
U Muziei Volnaj Biełarusi pakažuć 19 aryhinalnych litahrafij Napaleona Ordy
-
Cyrulnik i piśmieńnik Siarhiej Kalenda: «Jość ludzi, jakija kažuć: «Paśla takoj knihi ja b nie pajšoŭ da vas stryhčysia»
-
Na dziaržaŭnym telebačańni prahučała «Kupalinka» — jaje vykanaŭ sierbski ijeramanach, jaki šmat hadoŭ žyvie ŭ Biełarusi
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary