«Ja liču, što Jeŭrapiejski sajuz znachodzicca ŭ situacyi, kali jamu patrebny dadatkovyja krainy», — skazaŭ prezident Ukrainy.
Prezident Ukrainy Uładzimir Zialenski vykazaŭ mierkavańnie, što dla realnaj biaśpieki Jeŭropie patrebny Ukraina, Vialikabrytanija, Narviehija i Turcyja. Pra heta jon zajaviŭ u padkaście The Rest Is Politics, piša «Jeŭrapiejskaja praŭda».
Zialenski adznačyŭ, što kali ŭjavić vychad ZŠA z NATA, biaśpieka Jeŭropy budzie hruntavacca vyklučna na tym, što jość u arsienale ES — i Jeŭrapiejskaha sajuza ŭ takim vyhladzie, jak ciapier, budzie niedastatkova.
«Ja liču, što Jeŭrapiejski sajuz znachodzicca ŭ situacyi, kali jamu patrebny dadatkovyja krainy. Vialikabrytanija, Ukraina, Turcyja i Narviehija. Heta čatyry mocnyja krainy, jakija źjaŭlajucca častkaj Jeŭropy. Razam armii Vialikabrytanii, Ukrainy i Turcyi macniejšyja za rasijskuju. Biez Ukrainy i Turcyi Jeŭropa nie moža paraŭnacca z Rasijaj. Z hetymi čatyrma krainami možna kantralavać mory, mieć abaronienaje nieba i najbujniejšyja suchaputnyja siły», — arhumientuje Zialenski.
Jon zaŭvažyŭ, što rasijskija płany praduhledžvajuć naroščvańnie kolkaści vojska da 2,5 miljona da 2030 hoda, i ŭ hetych umovach Jeŭropa pavinna dumać, što supraćpastavić hetaj sile i jak zachavać svaju niezaležnaść.
«Vialikabrytanija kaliści była členam Jeŭrapiejskaha sajuza. Jość aściarohi nakont sielskaj haspadarki ŭ vypadku z Turcyjaj. Ale z usim hetym možna spravicca, kali ekanomika sapraŭdy mocnaja. Adnak biaśpieka — na pieršym miescy, a ekanomika — na druhim. Nie naadvarot», — skazaŭ Zialenski.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB40
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary