Z dyrektara minskaha pradpryjemstva buduć spahaniać $8 miljonaŭ škody
Hienprakuratura nakiravała ŭ Viarchoŭny Sud kryminalnuju spravu pa abvinavačańni byłoha hienieralnaha dyrektara adnaho sa staličnych pradpryjemstvaŭ charčovaj pramysłovaści ŭ pieravyšeńni słužbovych paŭnamoctvaŭ i atrymańni chabaru, piša BiełTA.
Pavodle materyjałaŭ spravy, abvinavačany «z metaj atrymańnia dziaržaŭnaj padtrymki prajekta pa stvareńni impartazamiaščalnaj vytvorčaści pa pierapracoŭcy syraviny, nie majučy ekanamična abhruntavanych i zakonnych padstaŭ, daŭ ukazańni padnačalenym unieści ŭ biznes-płan prajekta zaviedama iłžyvyja źviestki ab inviestycyjnych kapitalnych vydatkach i pakazčykach jaho ekanamičnaj efiektyŭnaści».
Zatym jon zaćvierdziŭ piać redakcyj biznes-płana ź niedakładnymi danymi, a taksama zabiaśpiečyŭ ich pradstaŭleńnie ŭ dziaržaŭnyja orhany dla atrymańnia prava finansavańnia sa srodkaŭ śpiecyjalnaha fondu miascovaha vykanaŭčaha i rasparadčaha orhana.
Dalej jon arhanizavaŭ rasparadžeńnie vydzielenymi srodkami, kab ažyćciavić płaciažy na karyść kankretnaj zamiežnaj kampanii pa kantrakcie, jaki byŭ zaklučany ź joj u listapadzie 2023 hoda ŭ vyniku pracedury dziaržaŭnaj zakupki, praviedzienaj z parušeńniem antymanapolnych normaŭ.
Ukazanyja dziejańni paciahnuli škodu dziaržavie ŭ pamiery 22,8 młn rubloŭ, a taksama istotnuju škodu pravam i zakonnym intaresam hramadzian, dziaržaŭnym i hramadskim intaresam.
Akramia taho, abvinavačany ŭ 2023—2024 hadach u niekalki pryjomaŭ pryniaŭ dla siabie i dla blizkich ad pradstaŭnikoŭ kontrahienta materyjalnyja kaštoŭnaści na ahulnuju sumu nie mienš za 19,4 tys. rubloŭ za stvareńnie ŭmoŭ dla ŭdziełu ŭ elektronnym aŭkcyjonie i zabieśpiačeńnie pieramohi, farmiravańnie pryvabnaj pačatkovaj cany elektronnaha aŭkcyjonu.
Kryminalnaja sprava znachodziłasia ŭ vytvorčaści hałoŭnaha ŭpraŭleńnia pa rasśledavańni złačynstvaŭ u śfiery arhanizavanaj złačynnaści i karupcyi Śledčaha kamiteta. Vyvučeńnie materyjałaŭ spravy pakazała, što papiaredniaje rasśledavańnie pa joj praviedziena ŭsiebakova, poŭna i abjektyŭna, supraćpraŭnyja dziejańni abvinavačanaha kvalifikavany pravilna. Miera strymańnia ŭ vyhladzie zaklučeńnia pad vartu ŭ dačynieńni da abvinavačanaha prymianiona pravilna, padstaŭ dla jaje źmianieńnia abo admieny niama.
Akramia taho, namieśnik hienieralnaha prakurora pradjaviŭ da byłoha kiraŭnika isk u sumie naniesienaj im dziaržaŭnamu pradpryjemstvu škody — 22,8 młn rubloŭ.
-
«Z abodvuch słoŭ — dva mima». Słuckaja šaŭrmiačnaja zasmuciła biełarusaŭ pamyłkami ŭ biełaruskamoŭnaj rekłamie
-
«Karaciej, žopa!»: praŭładnaja mastačka Śviatłana Žyhimont sabrałasia ŭ Rasiju na mašynie
-
Apublikavany nacyjanalny indeks pravoŭ čałavieka za 2025 hoda. Jon upieršyniu za 7 hadoŭ nie źniziŭsia
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła2
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu3939
Kamientary