Ksienija Sitnik nazvała syna pryhožym i nietypovym dla Biełarusi imiem
Bo muž śpiavački — tataryn.
Dva miesiacy tamu Ksienija Sitnik, jakaja pieramahła ŭ dziciačym «Jeŭrabačańni» ŭ 2005 hodzie, stała maci.
Pra toje, što vychodzić zamuž, Ksienija Sitnik namiaknuła ŭ instahramie tolki ŭ navahodniuju noč. Viasielle adbyłosia ŭ Minsku.
Dyjetołah-błohierka Iryna Jabłonskaja apublikavała storys, u jakim Śviatłana Stacenka, maci Ksienii Sitnik, adkazvaje na pytańni pra ŭnuka.
— Ja była ŭ Prazie. Ja ŭbačyła, dziakuj Bohu, svaju lubimuju dačku i pieršaha cudoŭnaha ŭnuka. Jaho zavuć Amir, bo baćka tataryn, a Ksiucha biełaruska. Ale voś što ja vam skažu: jak tolki ja zajšła ŭ dom, jak tolki ja adkryła dźviery, pieršym pytańniem ad majoj dački było: «Mam, sała pryviezła?». Ja kažu: «Možna ŭvajści?». Jana: «Kali z sałam — zachodź!»
Śviatłana śmiajecca, što sapraŭdy pryviezła ŭ Čechiju sała. Pa jaje słovach, druhim pytańniem Ksienii było, ci zvaryć joj maci boršč: «Mamulečka, vielmi prašu: naš biełaruski boršč, sa śmiatanačkaj, z časnačkom, z cybulkaj…».
Raniej Śviatłana apublikavała ŭ instahramie kranalnaje fota z unukam: «Ciapier ja znoŭ budu vučycca zaŭvažać ślimakoŭ na travie, ździŭlacca pieršamu śniehu i ščyra śmiajacca z prostych rečaŭ! U mianie źjaviŭsia asabisty «kvitok» u dziacinstva. Ciapier ja budu vučycca być toj samaj «cichaj havańniu», dzie zaŭsiody ciopła i biaśpiečna! Ciapier mnie stała vyrazna zrazumieła, što majo žyćcio biaskoncaje! Ja baču ŭ hetym małym nie tolki rysy svaich dziaciej, ale i svaje ŭłasnyja! Ciapier ja mahu prosta atrymlivać asałodu ad taho, što ty jość!».
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary
navat jość takaja vioska Tatarskaja Słabada